ބޮލީވުޑްގެ މަޝްހޫރު ދެ ތަރިން ކަމަށްވާ ސަލްމާން ޚާންއާއި އައިޝްވާރްޔާ ރާއީގެ ލޯބީގެ ވާހަކައަކީ ބޮލީވުޑަށް ލޯބިކުރާ ފަރާތްތަކަށް އާ ވާހަކައެއް ނޫނެވެ.

1999 ވަނަ އަހަރުގެ ފިލްމު "ހަމް ދިލް ދޭ ޗުކޭ ސަނަމް"ގެ ޝޫޓިންގެ ތެރެއިން ރައްޓެހިވި އެ ދެތަރިންގެ ލޯބީގެ ގުޅުން ނިމިގެން ދިޔައީ ވަރަށް ހިތި ގޮތަކަށް 2002 ވަނަ އަހަރު އެވެ.

ހަބަރުތައް ބުނާ ގޮތުގައި ސަލްމާންއާއި އައިޝްވާރްޔާގެ ލޯބީގައި މައްސަލަތައް ޖެހެން ފެށީ ސަލްމާންގެ ރުޅިއާއި ގެވެށި އަނިޔާގެ ސަބަބުންނެވެ. އެހެން ނަމަވެސް އެ މައްސަލަތަކުގެ ތެރެއިން ޖެހުނު މައްސަލައެއްގައި ސަލްމާން އަމިއްލައަށް މަރުވާން އުޅުނުކަން އެނގެނީ ވަރަށް މަދު ބަޔަކަށެވެ.

ރިޕޯޓުތައް ބުނާ ގޮތުގައި ސަލްމާން އަމިއްލައަށް މަރުވާން މަސައްކަތް ކޮށްފައިވަނީ އެއް ރޭ ދަންވަރު އައިޝްވާރްޔާ އޭނާގެ އެޕާޓްމަންޓަށް ސަލްމާން ނުވެއްދުމުންނެވެ.

އެ އަރާރުންވުންވުން ހަމައަކަށް އެޅުނީ އެ އިމާރާތުގެ 17 ވަނަ ބުރިން ފުންމާލާނެ ކަމުގެ އިންޒާރު ސަލްމާން ދިނުމާއެކު އައިޝްވާރްޔާ ދޮރު ހުޅުވުމުންނެވެ.

މި ހާދިސާގެ ސަބަބުން ސަލްމާންއަށް މީޑިއާގެ ސަމާލުކަން ލިބުނުއިރު އޭނާއަށް އާއްމުންގެ ފާޑުކިޔުން ވެސް ވަރަށް ބޮޑަށް އަމާޒުވި އެވެ.

2007 ވަނަ އަހަރު އައިޝްވާރްޔާ އަބީޝޭކް ބައްޗަންއާ ކައިވެނި ކުރިއިރު މިއަދާ ހަމައަށް ވެސް ސަލްމާން އެއްވެސް ކައިވެންޏެއް ނުކުރެ އެވެ.