އެންމެ އުމުރުން ދުވަސްވީ މީހާގެ ލަގަބު ބްރެޒިލް އަންހެނަކަށް!
މޫނުގައި ހުރި ރޫތައް ފިލުވާލަން ބޭނުންތަ؟
ގްރީންލޭންޑް: ޓްރަމްޕްގެ ލޮލުގައި އަޅައިގަތް އައިސް ރަންމުތް
ގައުމުގެ ހުރިހާ ދިމާލެއްގައި ވެސް އޮތީ ކޮރަޕްޝަން ކަމަށާއި އެކަންކަން ކުރަމުން އަންނަނީ ރައީސް ޑރ. މުހައްމަދު މުއިއްޒު ހިތްވަރު ދެއްވައިގެން ކަމަށް ކުރީގެ ރައީސް އަބްދުﷲ ޔާމީން ރޭ ވިދާޅުވެއްޖެ އެވެ.
ޕީއެންއެފްގެ ޖަގަހަ ޖަލްސާގައި ވާހަކަދައްކަވަމުން ރައީސް ޔާމީން ވިދާޅުވީ ސަރުކާރުގެ ކޮރަޕްޝަންގެ ކަންކަން ހިނގަނީ ރައީސް މުއިއްޒުގެ ބައިވެރިވުމާއި އެކުގައި ކަމަށް ބުނަމުން ދަނީ އެކަންކަމާއި މެދު އަޅާ ނުލާ ދޫކޮށްލައްވައިގެން ހުންނަވާތީ ކަމަށެވެ.
އެ މަނިކުފާނު ވިދާޅުވީ އެ ކަންކަމާއި ރައީސް މުއިއްޒު ހާސްވެގެން އުޅުއްވާތަން ފެނިވަޑައިނުގަންނަވާ ކަމަށެވެ. އެހެން ނޫންނަމަ ކޮރަޕްޝަނާއި ގުޅުން ހުރި ކަންކަން ބަލާ ފިޔަވަޅު އަޅާނެ ނޫންތޯ ރައީސް ޔާމީން ވަނީ ސުވާލު އުފައްދަވާފަ އެވެ.
ރައީސް މުއިއްޒު ވެރިކަމަށް ވަޑައިގަތުމަށް ނޫމަޑި މައްސަލައިގައި ކަނޑައެޅިގެން ދޮގު ހައްދަވާފައިވާ ކަމަށާއި އެކަން ކުރެއްވީ ރައީސް މުއިއްޒުގެ ނަން ކްލިއާކުރުމަށް ކަމަށް ރައީސް ޔާމީން ވަނީ ވިދާޅުވެފަ އެވެ.
އެ ހިސާބުން ކޮރަޕްޝަންގެ މައްސަލަ އާއި ރައީސް މުއިއްޒު އާ ގުޅިފައިވާކަން އެނގޭ ކަމަށް ވެސް ރައީސް ޔާމީން ވަނީ ވިދާޅުވެފަ އެވެ. އެގޮތުން ރައީސް މުއިއްޒު ވެރިކަަމަށް ވަޑައިގެން މުލިއާގެ ބޮޑު ޚަރަދުތައް ކުރައްވައިގެން މަރާމާތުކުރުމުން ފައިސާ އާއި ޖެހުމުން މުރުތްވަތްތެރިކަން ނެތް މިންވަރު ހާމަވާ ކަމަށް ރައީސް ޔާމީން ވަނީ ވިދާޅުވެފަ އެވެ.
ކޮރަޕްޝަން މުލުން ލުހެލާނެ ކަމުގެ ވައުދު ރައީސް މުއިއްޒު ވެވަޑައިގަތް ނަމަވެސް އެކަން ނުކުރެވޭނެ ކަމުގެ ދަލީލުތައް ވަރަށް ކައިރިން ފެންނަން އޮތް ކަމަށް ރައީސް ޔާމީން ވަނީ ވިދާޅުވެފަ އެވެ.
ރައީސް ޔާމީން ވަނީ ވަޒީރުންގެ ފެންވަރުގައި މަޤާމަށް އައްޔަންކުރައްވާފައިވާ އެޗްޑީސީގެ ކުރީގެ މެނޭޖިން ޑިރެކްޓަރު ފަޒުލް ރަޝީދު ވައްކަން ކުރަމުން ގެންދެވީ ރައީސް މުއިއްޒު އަށް އެނގިވަޑައިނުގެން ކަމަށް ގަބޫލުނުކުރައްވާ ކަމަށް ރައީސް ޔާމީން ވަނީ ވިދާޅުވެފަ އެވެ. އަދި އެކަމާ މެދު ފިޔަވަޅެއް ނޭޅުމުން ކޮރަޕްޝަންގެ މައްސަލަތައް ރައީސް މުއިއްޒުއަށް ނުބެއްލެވޭ މިންވަރު ހާމަވާ ކަމަށް އެ މަނިކުފާނު ވިދާޅުވި އެވެ.
ބިންވެރިޔާ ސްކީމަށް ޝަރުތު ހަމަނުވާ ބަޔަކަށް ހުޅުމާލެ އިން ބިންތަކެއް އެޗްޑީސީން ދިން ކަމަށް ބުނާ މައްސަލަ އާއި ވިނަރެސް ފްލެޓް ދިނުމުގައި ކޮރަޕްޝަންގެ އަމަލުތަކެއް ހިންގި ކަމަށް ބުނާ މައްސަލަ އާއި ގެދޮރުވެރިޔާގެ ސްކީމްގެ ދަށުން ފްލެޓު ދިނުމުގައި ބޮޑެތި އޮޅުވާލުންތަކެއް ހުރި ކަމަށް ތުހުމަތުކުރެވޭ މައްސަލަ ފުލުހުންނާއި އޭސީސީން ވެސް އަންނަނީ ތަހުގީގުކުރަމުންނެވެ.
އޭގެ ތެރެއިން ފަޒުލް އަށް އޭރު ކުރި ތުހުމަތުތަކުގެ ތެރޭގައި، މަގާމުގެ ނުފޫޒު ބޭނުންކޮށްގެން ގޯއްޗަށް ޝަރުތު ހަމަނުވާ އޭނާގެ އެއްބަނޑު އެއްބަފާ ބޭބެ، އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަަޒީލް ރަޝީދަށް ބިމެއް ދިން މައްސަލައެއް ހިމެނެ އެވެ. ޝަރުތު ހަމަނުވާ އިތުރު ބަޔަކަށް ވެސް ބިން ދޫކުރި މައްސަލަ ވަނީ ފެންމަތިވެފަ އެވެ.
