ޝައްވާލު މަހުގެ ހަ ރޯދަ ދޫކޮށް ނުލާތި!
ހުޅުމާލޭ މިސްކިތުގެ އިމާމު ފަސް އަހަރަށް ސަސްޕެންޑުކޮށްފި
ހައިކޯޓުގެ އިސް ފަނޑިޔާރު ކަމަށް ކުރިމަތިލީ ފައިސަލް އާއި ނިޔާޒް
އިގްތިސާދީ ހާލަތު ދަށްވެ، ރާއްޖޭގެ ބާޒާރުގައި މުދަލާއި ހިދުމަތުގެ އަގުތައް މިދިޔަ ފެބްރުއަރީ މަހު އިންތިހާއަށް މައްޗަށް ހިނގައްޖެ އެވެ.
ނޭޝަނަލް ބިއުރޯ އޮފް ސްޓެޓިސްޓިކްސް (އެންބީއެސް) އިން އާންމު ކުރި މުދަލާއި ހިދުމަތުގެ އަގު ދައްކުވައިދޭ މިންގަނޑު، ކޮންސިއުމާ ޕްރައިސް އިންޑެކްސް (ސީޕީއައި) ދައްކާ ގޮތުގައި މިދިޔަ އަހަރުގެ ފެބްރުއަރީ މަހާއި އަޅާބަލާއިރު މި އަހަރުގެ ފެބްރުއަރީ އަގުތައް ވަނީ 5.14 ޕަސެންޓް އުފުލިފަ އެވެ.
މުދަލާއި ހިދުމަތުގެ އަގުތައް މި އަހަރުގެ ޖެނުއަރީ މަހާއި އަޅާބަލާއިރު ފާއިތުވި ފެބްރުއަރީ މަހު ވަނީ 0.27 ޕަސެންޓް ބޮޑުވެފަ އެވެ.
ކަނޑުމަހުގެ އަގަށް އައި ބަދަލު ނުހިމަނައި މި އަދަދު ހުރީ 0.43 ޕަސެންޓްގަ އެވެ.
އަގުތައް އެންމެ ބޮޑަށް އުފުލުނީ މޭވާ އިންނެވެ.
އަގުތައް ބޮޑުވި މުދަލާއި ހިދުމަތްތައް
- މޭވާ - 6.25 ޕަސެންޓް
- މޯބައިލް މުވާސަލާތީ ހިދުމަތް - 1.86 ޕަސެންޓް
- ކިރާއި އެހެނިހެން ޑެއިރީ އުފެއްދުން އަދު ބިސް - 0.76 ޕަސެންޓް
- ރެސްޓޯރަންޓް ކެފޭ - 0.18 ޕަސެންޓް
- އެއްގަމު މަސް - 1.28 ޕަސެންޓް
ފެބްރުއަރީ މަހު އަގުތައް ދަށަށް ދިޔަ ބާވަތްތަކުގެ ތެރޭގައި ތަރުކާރީ އާއި ކަނޑުމަސް ހިމެނެ އެވެ.
ތަރުކާރީގެ އަގުތައް 4.68 ޕަސެންޓް ދަށަށް ދިޔައިރު ކަނޑުމަހުގެ އަގުތައް 2.70 ޕަސެންޓް ދަށަށް ގޮސްފައިވެ އެވެ. މީގެ އިތުރުން ވައިގެ ދަތުރުފަތުރުގެ އަގުތައް 2.10 ޕަސެންޓް ދަށަށް ދިޔަ ކަމަށް އެންބީއެސްގެ ތަފާސްހިސާބުތަކުން ދައްކަ އެވެ.
