މީގެ ދެ ގަރުނެއްހާ ދުވަސް ކުރިން ވެސުވިއަސް އަލިފާން ފަރުބަދަ ގޮވުމުގެ ސަބަބުން ފަނާވި އިޓަލީގެ އަވަށް ކަމަށްވާ ޕޮމްޕޭއިން އަލަށް ފެނުނު ސްޓެޗޫތަކަކުން އިތުރު ސިއްރުތަކެއް ހާމަވެއްޖެ އެވެ.

ސައިންސްވެރިން މިހާރު ކުރިއަށް ގެންދާ ދިރާސާގައި އެ އަވަށުގެ ޒިއާރަތެއް ކޮނުމުގެ ތެރެއިން އަންހެނަކާއި ފިރިހެނެއްގެ ސްޓެޗޫއެއް ވަނީ ފެނިފަ އެވެ.

ޖެހިޖެހިގެން ހުރި އެ ދެ ސްޓެޗޫގައި އަންހެން މީހާ ކުޑަކޮށް ދިގު ކަމަށް ފެންނައިރު އޭނާގެ ހަށިގަނޑުގައި އަގުބޮޑު ގަހަނާތައް ހުރި ކަަމަށް ފެނެ އެވެ. އެގޮތުން އަންހެން މީހާއާ އަޅާ ބަލާއިރު ފިރިހެން މީހާ ހުރީ ވަރަށް އާދައިގެ ގޮތަކަށެވެ.

އަންހެން މީހާގެ ހެދުމާއި އޭނާގެ އަތުގައި އޮތް އެއްޗަކުން އޭނާއަކީ ފާދިރީއެއް ކަމަށް ލަފާ ކުރެވޭ ކަމަށްވެސް ސައިންސްވެރިން ބުނެ އެވެ.

މި ސްޓެޗޫތަކުން ހާމަވެގެން ދަނީ ޕޮމްޕޭގައި އަންހެނުންގެ ބާރުވެރިކަމާއި ނުފޫޒު ގަދަކަން ކަމަށް އެ ސްޓެޗޫތައް ދިރާސާ ކުރުމުގައި އުޅޭ ސައިންސްވެރިން ބުނެ އެވެ.

އަލިފާން ފަރުބަދަ ގޮވުމާއެކު އެރި އަޅީގެ ދަށުވެ އެ އަވަށް ވަޅުލެވުނުއިރު އެ އަޅީގެ ވިހަގަދަ ކަމުން އެ އަވަށުގެ މީހުން ވަނީ މަދު ސިކުންތުކޮޅެއްގެ ތެރޭގައި މަރުވެފަ އެވެ.

އެ އަލިފާން ފަރުބަދަ ގޮވާފައިވަނީ އެއް ޖިންސުން ގުުޅުން ހިންގުމާއި ރާބުއިން ފަދަ ފާހިޝް އަމަލުތަކުގައި އެ އަވަށުގެ މީހުން ތިއްބަ އެވެ. އެ މީހުން މަރުވެފައި ވަނީވެސް އެ ކުރަން ތިބި ކަމެއް ކުރުމުގައި ތިއްބަ އެވެ.