ރައްޔިތުންގެ މަޖިލީހުގެ ގައްދޫ ދާއިރާގެ ކުރީގެ މެންބަރު އަހްމަދު ރަޝީދު އަވަހާރަވެއްޖެ އެވެ.

އޭނާ އަވަހާރަވީ ކެންސަރު ބައްޔަށް ފަރުވާ ހޯދަވަމުން ގެންދަވަނިކޮށް އައިޖީއެމްއެޗްގަ އެވެ. އެ ބައްޔަށް އޭނާ ފަރުވާ ހޯއްދަވަމުން އަންނަތާ ގިނަ ދުވަސްތަކެއް ވެއްޖެ އެވެ.

ޕީޕީއެމް އާއި ޕީއެންސީގެ ސެނެޓް މެންބަރުކަން ވެސް ކުރައްވާފައިވާ ރަޝީދު ސިޔާސީ ހަރަކާތްތަކުން ދުރަށް ވަޑައިގަތީ ސިއްހީ ހާލަތު ތަންނުދިނުމުންނެވެ.

މަޖިލީހުގައި އޭނާ ވަނީ ސަލާމަތީ ޚިދުމަތްތަކާބެހޭ ކޮމިޓީ އާއި މާލިއްޔަތު ކޮމިޓީ އާއި މިނިވަން މުއައްސަސާތަކުގެ ކޮމިޓީގެ އިތުރުން ގައުމީ ތަރައްގީގެ ކޮމިޓީގައި މަސައްކަތް ކުރައްވާފަ އެވެ.