ސަސްޕެންޑު ކޮށްފައި ހުރި މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) ގެ ވެރިޔާ އިސްމާއިލް ސާޖިދު އެ މަގާމުން ވަކި ކޮށްފި އެވެ.

ސާޖިދު އެފްއައިޔޫގެ ވެރިޔާގެ މަގާމަށް އައްޔަންކުރީ މިދިޔަ އޮގަސްޓު މަހެވެ. ނަމަވެސް މިދިޔަ ޑިސެންބަރު މަހުގެ ފަހު ހަފުތާގެ ތެރޭގައި، ޖިންސީ ފުރައްސާރައިގެ ތުހުމަތުގައި އޭނާ ސަސްޕެންޑުކުރި އެވެ.

ސާޖިދު މަގާމުން ވަކިކޮށްފައި ވަނީ އެ މައްސަލަ ބެލި އެމްއެމްއޭގެ އެތެރޭގެ ކޮމިޓީން އޭނާ އެ މަގާމުން ވަކި ކުރަން ދިން ލަފަޔާ އެއްގޮތަށް ގަވަރުނަރު، އަހުމަދު މުނައްވަރު އެވެ. ސާޖިދު މަގާމުން ވަކި ކުރިކަން، އޭނާއަށް ވެސް މިހާރު އަންގާފައިވާކަން ހުރިހާ އަށް ވަނީ ކަށަވަރުވެފަ އެވެ.

އެފްއައިޔޫގެ ވެރިޔާގެ މަގާމުން ސާޖިދު ސަސްޕެންޑުކުރީ ޑިސެމްބަރު 25، 2025 އިން ފެށިގެންނެވެ. ސްޓަރަކްޗަރަލް ބަދަލެއްގެ ތެރެއިން ކަމަށް ބުނެ އެފްއައިޔޫގެ ކުރީގެ ވެރިޔަކަށް ހުރި އަބްދުالله އަޝްރަފްގެ ބަދަލުގައި ސާޖިދު އެ މަގާމަށް ހަމަޖެއްސީ އޯގަސްޓު 3، ގަ އެވެ.