ބީއެމްއެލް އިން ތިލަފުށީގައި އޭޓީއެމްގެ ހިދުމަތް ފަށައިފި
ކައުންސިލް މެޖޯރިޓީ ނުލިބިއްޖެނަމަ ސަރުކާރު ޖަވާބުދާރީ ނުކުރެވޭނެ
ސްވައިޕްގެ ލިމިޓެޑް ރިލީޒްއަށް ރެޖިސްޓްރޭޝަން ހުޅުވާލައިފި
މުއައްސަސާއެއްގެ ގޮތުގައި ތަނެއް ކުރިއަރައިދިއުމަށް ބޭނުންވާ އެންމެ މުހިއްމު އެއް ކަމަކީ، އަމާޒެއް އޮތުން ކަމަށާއި އެ އަމާޒު ދިވެހި ފަނޑިޔާރުގޭގައި އެބައޮތް ކަމަށް އުއްތަމަ ފަނޑިޔާރު އަބްދުލް ޣަނީ މުހައްމަދު މިއަދު ވިދާޅުވެއްޖެ އެވެ.
ޕެރަޑައިސް އައިލެންޑް ރިސޯޓުގައި މިއަދު ފެށި ފަނޑިޔާރުންގެ މަހާސިންތާ 2026 ހުޅުވުމުގެ ރަސްމިއްޔާތުގައި ވާހަކަ ދައްކަވަމުން އުއްތަމަ ފަނޑިޔާރު ވިދާޅުވީ ގާނޫނުގެ ބާރުވެރިކަން ނެގެހެއްޓުމުގެ އަމާޒު ޖުޑީޝަރީގައި އެބައޮތް ކަމަށެވެ.
އަދުލު އިންސާފު ގާއިމުކުރުމުގައި އެންމެ މަތީ ފެންވަރު ހާސިލް ކުރުމުގެ އަމާޒު އެބައޮތް ކަން ފާހަގަކުރައްވަމުން އުއްތަމަ ފަނޑިޔާރު ވިދާޅުވީ މުއައްސަސާއެއްގެ ގޮތުގައި ތަނެއް ކުރިއަރައިދިއުމަށް މުހިއްމު އަމާޒެއް ނުވަރަ މިސްރާބެއް ނުވަތަ ވިޝަންއެއް އޮތުން ކޮންމެހެން މުހިންމު ކަމަށެވެ. އަދި އެ ވިޝަން ނުވަތަ އެ މިސްރާބު ނުވަތަ އެ އަމާޒު ދިވެހި ފަނޑިޔާރުގޭގައި އެބައޮތް ކަމަށް އޭނާ ވިދާޅުވި އެވެ.
ޣަނީ ވިދާޅުވީ އެ އަމާޒަކީ ނުވަތަ އެ މިޝްރާބަކީ އެއީ، ގާނޫނުގެ ބާރުވެރިކަން ނުވަތަ ގާނޫނުގެ ހުކުމް ނެގެހެއްޓުމާއެކު އަދުލު އިންސާފު ގާއިމުކުރުމުގައި އެންމެ މަތީ ފެންވަރު ހާސިލް ކުރުން ކަމަށެވެ.
"މުއައްސަސާއެއްގެ ގޮތުގައި ތަނެއް ކުރިއަރައިދިއުމަށް ބޭނުންވާ އެންމެ މުހިއްމު އެއް ކަމަކީ، އަމާޒެއް އޮތުން، މިސްރާބެއް އޮތުން، ވިޝަންއެއް އޮތުން. އެ ވިޝަން، އެ މިސްރާބު އެ އަމާޒު ދިވެހި ފަނޑިޔާރުގޭގައި އެބައޮތް. އެއީ، ގާނޫނުގެ ބާރުވެރިކަން ނުވަތަ ގާނޫނުގެ ހުކުމް ނެގެހެއްޓުމާއެކު އަދުލު އިންސާފު ގާއިމުކުރުމުގައި އެންމެ މަތީ ފެންވަރު ހާސިލް ކުރުން،" އުއްމަތަ ފަނޑިޔާރު ވިދާޅުވި އެވެ.
މީގެ އިތުރުން އުއްތަމަ ފަނޑިޔާރުގެ ވާހަކަފުޅުގައި، ޝަރުއީ ދާއިރާގައި ޓެކްނޮލޮޖީ ބޭނުން ކުރުމުގެ މައްޗަށް އަލިއަޅުވާލައްވައި އެމަނިކުފާނު ވިދާޅުވީ، މި ޒަމާނުގައި ފަންނިޔާތުގެ ހުނަރަކީ ކޮންމެ މީހެއްގެ ގައިގައި ހުރުން މުހިންމު ހުނަރެއް ކަމަށެވެ.
"އޭއައި ބޭނުންކުރުމުގައި އަޅުގަނޑުމެން ސަމާލުކަން ދޭންޖެހޭ ކަންތައްތަކެއް ވެސް އެބަހުރޭ. ޓެކްނޮލޮޖީގެ ވަސީލަތްތަކުން މަސައްކަތްތަކުގައި ފަސޭހަކޮށް ދިނަސް ބަަޔަސްވުމުގެ ސިފަޔަކުން ސަލާމަތް ނުވޭ. އެހެންކަމުން އިންސާފު ގާއިމްކުރުމުގައި އިންސާނީ ވިސްނުމާއި، އިހުސާސް އަބަދުވެސް ޓެކްނޮލޮޖީގެ މައްޗަށް މުހިންމު ދައުރެއް އަދާކުރާނެ،" އޭނާ ވިދާޅުވި އެވެ.
ފަނޑިޔާރުންގެ މަހާސިންތާގެ މި އަހަރުގެ މައިގަނޑު މައުޟޫއަކީ، ޝަރުއީ ދާއިރާގައި ޓެކްނޮލޮޖީއާއި އޭއައި ބޭނުންކުރުމެވެ. މި އަހަރުގެ މަހާސިންތާގެ ކީ ނޯޓް ސްޕީކަރަކީ ޕްރޮފެސަރު ހަސަން އުގެއިލެވެ. މީގެ އިތުރުން އިންޑިއާގެ ޖުޑީޝަލް އެކަޑަމީގެ ފެސިލިޓޭޓަރުން ވެސް މި މަހާސިންތާގައި ބައިވެރިވެ އެވެ.
