ޓްރީ ޓޮޕް ހޮސްޕިޓަލުން ކޮންމެ އަހަރަކު ކުރިއަށްގެންދާ ޚިތާނީ ކޭމްޕް ޑިސެމްބަރު 2025 އިން ޖަނަވަރީ 2026 ނިޔަލަށް ގެންދިޔަ ކޭމްޕް ބޮޑު ކާމިޔާބީއަކާއެކު ނިންމާލައިފި އެވެ. މި ކޭމްޕުގައި 200 އަށްވުރެ ގިނަ ކުދިން ވަނީ ޚިތާނުކޮށްފަ އެވެ.

ތަޖުރިބާކާރު ޑޮކްޓަރުންގެ ޓީމެއް

މި ކޭމްޕުގެ އޮޕަރޭޝަންތައް ކުރިއަށް ގެންގޮސްފައިވަނީ ތަޖުރިބާކާރު ސާޖިކަލް އަދި ޔޫރޮލޮޖީ ޓީމަކުންނެވެ. މި ޓީމުގައި ހިމެނިވަޑައިގަންނަވަނީ ޑރ. މޫމިން، ޑރ. އުކްތަމް، ޑރ. ހުސައިން، ޑރ. ޝަރީފް، ޑރ. އޯޑަރ، އަދި ޑރ. އުބައިދު އެވެ. މި ޓީމުގެ ފަރާތުން ކުދިންނާއި ބެލެނިވެރިންނަށް ދިން އަޅާލުމާއި އޯގާތެރިކަމުގެ ސަބަބުން، މިއީ ބިރުވެރިކަމެއް ނެތް، ހިތްހަމަޖެހޭ ތަޖުރިބާއަކަށް ވެގެންދިޔަކަން ހޮސްޕިޓަލުން ފާހަގަކުރެ އެވެ.

ފުރިހަމަ ޚިދުމަތްތަކެއް ހިމެނޭ ޕެކޭޖެއް

ޓްރީ ޓޮޕް ހޮސްޕިޓަލުން މި ކޭމްޕަށް ތައާރަފްކުރި ޕެކޭޖަކީ ބެލެނިވެރިންނަށް ލުއިފަސޭހަވާނެހެން ހުރިހާ ޚިދުމަތެއް ހިމެނޭހެން ފަރުމާކޮށްފައިވާ ޕެކޭޖެކެވެ. މީގެ ތެރޭގައި ޚިތާނުކުރުމުގެ ކުރިން ހަދަންޖެހޭ ލެބޯޓްރީ ޓެސްޓުތަކާއި ކޮންސަލްޓޭޝަންތަކުގެ އިތުރުން، އޮޕަރޭޝަން ވަގުތުގެ ހުރިހާ ޚަރަދަކާއި، ބޭނުންވާ ބޭހާއި، އަދި އޮޕަރޭޝަނަށްފަހު ދޭންޖެހޭ ފޮލޯ-އަޕް ޚިދުމަތްތައް ހިމެނެއެވެ. ހަމަ އެއާއެކު ކޮންމެ ކުއްޖަކަށް ހާއްސަ ހަދިޔާއެއް ދީފައިވާއިރު، ހޮސްޕިޓަލުގެ ރޫމް އަޕްގްރޭޑް ކުރުމުގެ ފުރުސަތުވެސް ހާއްސަ އަގުތަކެއްގައި ވަނީ ފޯރުކޮށްދީފަ އެވެ.

ބެލެނިވެރިންގެ އިތުބާރު އަދި ކުރިމަގު

މި ކޭމްޕަށް ބެލެނިވެރިންގެ ފަރާތުން ލިބުނު ތަރުހީބާ ލިބުމުގެ ސަބަބުން ކުރިއަށް އޮތް އަހަރުގެ ކޭމްޕް ބޭއްވުމުގެ ތައްޔާރީތައް މިހާރު ވަނީ ފަށާފައެވެ. ކުރިއަށް އޮތް ކޭމްޕްގެ ތާރީޚުތައް ވަރަށް އަވަހަށް އިއުލާންކުރާނެ ކަމަށް ހޮސްޕިޓަލުން ބުނެއެވެ.

ޓްރީ ޓޮޕް ހޮސްޕިޓަލަކީ ދިވެހިރާއްޖޭގެ ޞިއްޙީ ޚިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލްއެކެވެ. މި ހޮސްޕިޓަލުގެ މައިގަނޑު އަމާޒަކީ އައު އުސޫލުތަކާއި ޚިދުމަތްތައް ތަޢާރަފުކޮށް، ދިވެހި ރައްޔިތުން ބޭރު ޤައުމުތަކަށް ޞިއްޙީ ފަރުވާ ހޯދަން ދާންޖެހޭ ސަބަބު މަދުކުރުމާއި، ސިއްހީ ޚިދުމަތުގެ ޚަރަދުތައް ކުޑަކުރުމެވެ. އެންމެ ޒަމާނީ ޓެކްނޮލޮޖީއާއި ފުރިހަމަ ފަރުވާތަކުގެ ޚިދުމަތްތަކާއި އެކު، ޓްރީ ޓޮޕް ހޮސްޕިޓަލުގެ ތަޖުރިބާކާރު ޑޮކްޓަރުންގެ އަމާޒަކީ ދިވެހިރާއްޖޭގެ ރައްޔިތުންނަށް ގިނަގުނަ ޞިއްޙީ ޚިދުމަތްތަކެއް ފޯރުކޮށްދިނުމެވެ. އިތުރު މަޢުލޫމާތު ހޯދުމަށް 3351610އަށް ގުޅުއްވާ ނުވަތަ [email protected] އަށް އީމެއިލް ކުރެއްވުން އެދެމެވެ.