އެމްޓީސީސީގެ ޑެޕިއުޓީ މެނޭޖިން ޑިރެކްޓަރުކަމުން އަހުމަދު ޝަރީފް އަބްދުއްރަހްމާން ޔޫސުފް ވަކިކޮށްފި އެވެ.

ޝަރީފަށް އަންގާފައި ވަނީ އޭނާ ވަކިކުރީ ސަރުކާރުގެ މުވައްޒަފުން މަދުކުރުމުގެ ސިޔާސަތުގެ ތެރެއިން ކަމަށެވެ.

ޝަރީފަކީ ނިމިދިޔަ އެމްޑީޕީ ސަރުކާރުގައި ރީޖަނަލް އެއާޕޯޓްސް ކޮމްޕެނީ ލިމިޓެޑުގެ ނަން އެގްޒެކެޓިވް ޑިރެކްޓަރުގެ މަގާމު އަދާކުރައްވާފައިވާ ބޭފުޅެކެވެ.

ޅ. ހިންނަވަރަށް ނިސްވަތްވާ ޝަރީފް މަގާމުން ވަކިކޮށްފައި މިވަނީ ހިންނަވަރު ކައުންސިލްގެ ގޮނޑިތައް އިދިކޮޅު އެމްޑީޕީން ކާމިޔާބުކޮށް، ޕީއެންސީއަށް އެރަށުން ބޮޑު ނާކާމިޔާބީއެއް ލިބިފައިވާ ދަނޑިވަޅެއްގަ އެވެ.