މާލޭގެ މިސްކިތެއްގައި ބަހައްޓާފައި ހުރި ހަތިމުތަކެއްގެ އެތެރޭގައި މަސްތުވާތަކެތި ފޮރުވި މައްސަލައެއް ފެންމަތިވެއްޖެ އެވެ.

އެ ހާދިސާ ހިގިގޮތް ކިޔައިދެމުން މުހައްމަދު ބިން ސަލްމާން ކިޔާ މީހަކު ބުނީ، އޭނާ ފަތިސް ނާމަަދަށް މިސްކިތަށް ދިޔައިރު މިސްކިތު ތެރޭގައި މީހަކު ނިދާފައި އޮތް ކަމަށެވެ. އޭނާ ކައިރިއަށް ގޮސް ގޮވާލުމުން މިސްކިތުން ނުކުތުމުގެ ކުރިން ހަތިމު ތެރޭގައި އޭނާ ފޮރުވާފައިހުރި މަސްތުވާތަކެތި ނެގި ކަމަށެވެ.

"މިހާރު ރިޕޯޓު ކުރާވަރުން ފުލުހުން އަންނާތީ، ސާމާނުކޮޅު ހުންނަނީ ހަތިމް ތެރޭ ފޮރުވާފައި،" މުހައްމަދު ބުންޏެވެ.

ހަތިމު ތެރޭގައި މަސްތުވާތަކެތި ފޮރުވި މައްސަލައިގައި ރައްޔިތުން މަޖިލީހުގެ މައްޗަންގޮޅީ ދެކުނު ދާއިރާގެ މެންބަރު އަހުމަދު ވަނީ އެކަން ތަހުުގީގު ކުރުމަަށް ގޮވާލައިފަ އެވެ.

ހައިތަމް ވިދާޅުވީ، މިސްކިތުގެ ހުރުމަތް ކެނޑޭ ޒާތުގެ އެއްވެސް އަމަލެއް އެއްވެސް ބޭފުޅަކު ކޮށްގެން ނުވާނެ ކަމަށެވެ. އަދި އޭނާ ވިދާޅުވީ ހަތިމު ތެރޭގައި މަސްތުވާތަކެތި ފޮރުވުމަކީ އެއްވެސް ވަރަކަށް ބަލައިގަނެވޭނެ ކަމެއް ނޫން ކަމަށާއި، އެފަދަ ކަންކަމަށް ހައްލު ބޭނުންވާ ކަމަެވެ.

މާލޭ މިސްކިތްތައް ބަލަހައްޓަމުން ދަނީ މާލޭ ސީޓީ ކައުންސިލުން ކަމަށްވުމުން، ހައިތަމް ވަނީ މިސްކިތުގެ ސަލާމަތާއި ރައްކާތެރިކަން ކަށަވަރުކުރަން ސީޓީ ކައުންސިލުން މިހާރަށް ވުރެ ބޮޑަށް މަސައްކަތް ކުރަން ޖެހޭ ކަމަށެވެ.