އެކްޓަރު އަދި ފިލްމު އުފެއްދުންތެރިޔާ މަހޭޝް މަންޖްރޭކަރް ބްލެޑާ ކެންސަރު ޖެހުނުފަހުން ސާޖަރީއެއް ހެދުމަށްފަހު ހޮސްޕިޓަލުން ދޫކޮށްލައިފި އެވެ.

އެ އެކްޓަރަށް ވަނީ ޔުރިނަރީ ބުލެޑާ ކެންސަރު ޖެހިފަ އެވެ.

މީގެ ދުވަސްކޮޅެއް ކުރިން މަހޭޝްގެ ހަށިގަނޑުން ކެންސަރު ފެނުމުން ޑޮކްޓަރު ލަފާދީފައި ވަނީ އޮޕަރޭޝަނެއް ކުރުމަށެވެ. އޭގެ ފަހުން މުމްބާއީގެ އެޗްއެން ރިލަޔަންސް ފައުންޑޭޝަން ހޮސްޕިޓަލްގައި މަހޭޝް ވަނީ އޮޕަރޭޝަން ކޮށްފަ އެވެ.

މިހާރު މަހޭޝް ވަނީ ހޮސްޕިޓަލުން ގެއަށް ދޫކޮށްލާފަ އެވެ.

މަހޭޝްގެ ބޭބެ ސުދޭޝްދިން އިންޓަވިއުއެއްގައި ބުނެފައިވަނީ މީގެ ތިން މަސް ކުރިން މަހޭޝް ޔުރިނަރީ ބްލެޑާ ކެންސަރުގެ ސަބަބުން ސާޖަރީއެއް ހަދާފައިވާ ކަމަށާއި މިކަން އެއްވެސް މީހަކަށް ނޭނގޭ ކަމަށެވެ. ނަމަވެސް މިހާރު މަހޭޝްގެ ހާލު ވެސް މަޑުމަޑުން ރަގަޅުވަމުން އަންނަ ކަމަށް ވެސް ބުނެފައިވެ އެވެ.

މަހޭޝް މިހާރު ފަށާފައިފައި މަސައްކަތްތަކުގެ ތެރޭގައި ސަލްމާން ޚާނާއި ޅިޔަނު އަޔުޝް ޝަރުމާ ލީޑްރޯލުން ފެންނަ ފިލްމު "އަންތިން: ދަ ފައިނަލް ޓްރަތް"ގެ ޑައިރެކްޝަންގެ މަސައްކަތް ހިމެނެ އެވެ.

ނުބައި ބައިގެ އިތުރުން ކޮމެޑީ ރޯލަތަކަށް މޮޅު މަހޭޝް ވަނީ ކާމިޔާބު ގިނަ ފިލްމަތަކެއް ކުޅެފަ އެވެ. އަދި ބޮލީވުޑްގެ މަޝްހޫރު އެތައް ތަރިންނާއެކު މަހޭޝް ވަނީ ފެނިފަ ގޮސްފަ އެވެ.