އުރްފީ ޖާވޭދްއަކީ އިންޑިއާގެ ނޫސްތަކާއި، އެކި ހަބަރުތަކުގެ ސުރުހީގައި ފަހަކަށް އައިސް ވަރަށް ގިނައިން ފެންނަ ނަމެކެވެ.

އުރްފީއާ ގުޅިގެން އެންމެ ގިނައިން ދެކެވޭ ވާހަކައަކީ އޭނާ ހެދުން އެޅުމުގައި ބަހައްޓާ ވައްޓަފާޅިއާ ގުޅިގެން ދެކެވޭ ވާހަކަތަކެވެ. އެކަމުގެ ސަބަބުން އޭނާއަށް އާންމުންގެ ތެރޭގައި ބޮޑު މަޝްހޫރުކަމެއް ލިބިފައިވާއިރު، އުރްފީއަށް މަލާމާތްކޮށް، ފާޑުކިޔާ މީހުން ވެސް މަދެއް ނޫނެވެ.

އެގޮތުން ދާދި ފަހުން އުރްފީ ދުބާއީއަށް ގޮސް އޭނާގެ ސޯޝަލް މީިޑިއާ އެކައުންޓުގައި އާންމު ކުރި ފޮޓޯއަށް ގިނަ ބައެއްގެ ފާޑުކިޔުންތައް ދަނީ އަމާޒުވަމުންނެވެ.

އުރްފީ ވަނީ ދުބާއީގެ ހޮޓެލްއެއްގައި ބަރަހަނާ ހާލު ހުއްޓި ހުރި ފޮޓޯއެއް އާންމުކޮށްފަ އެވެ. އަދި އެ ފޮޓޯއާ ގުޅިގެން ގިނަ ބަޔަކު ދަނީ އޭނާއަށް ބަދުބަސް ބުނަމުންނެވެ.

އުރްފީ، މުސްލިމް އާއިލާއަކަށް ނިސްބަތްވާއިރު، މުސްލިމުންގެ އިތުރުން ވެސް އިންޑިއާގެ އެހެނިހެން ދީންތަކުގެ މީހުން ދަނީ އުރްފީގެ ނިވައިކަން ކުޑަކަމާ ގުޅިގެން ވަރަށް ބޮޑަށް ފާޑުކިޔަމުންނެވެ. ނަމަވެސް ފާޑުކިޔާ މީހުންގެ ބަސް އަޑުއެހުމަކީ މުހިންމު ކަމެއްގެ ގޮތުގައި ނުދެކޭ ކަމަށް އުރްފީ ބުނެފައިވެ އެވެ.