ބައިނަލްއަގްވާމީ އަންހެނުންގެ ދުވަސް ފާހަގަކުރުމަށް ހާއްސަ ޖަލްސާއެއް ބާއްވަން އެމްޑީޕީން ނިންމައިފި އެވެ.

އެމްޑީޕީން ބުނީ އަންހެނުންގެ ދުވަހާ ގުޅިގެން މާދަމާ ހަވީރު 4:00 ޖަހާއިރު އެމްޑީޕީ ހަރުގޭގައި ޖަލްސާއެއް ބޭއްވުމަށް ހަމަޖެހިފައިވާ ކަމަށެވެ.

މިޖަލްސާގައި ވީހާވެސް ގިނަ އަންހެން ބޭފުޅުން ބައިވެރިވުމަށް އެމްޑީޕީގެ އަންހެނުންގެ ރޫހުގެ ރައީސް އަދި އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވަނީ އެދިވަޑައިގެންފަ އެވެ.

އަންހެނުންގެ ދުވަހުގެ ޖަލްސާ ޕްރޮމޯޓް ކުރުމަށް އެމްޑީޕީން ސޯޝަލް މީޑިއާގައިވެސް ވަނީ ހަރަކާތްތަކެއް ފަށާފަ އެވެ.