މަޝްހޫރު އިނގިރޭސި ފިލްމު ސީރީޒް "ހެރީ ޕޮޓާ"ގެ ބަތަލުގެ ރޯލުން ފެނިގެން ދިޔަ ޑެނިއަލް ރެޑްކްލިފްއާއި އޭނާގެ ބައިވެރިޔާ އެރީން ޑާކްއަށް ދަރިއަކު ލިބެން އުޅޭކަން އިއުލާން ކޮށްފި އެވެ.

ނިއު ޔޯކުގެ ސަރަހައްދުން މި ދެތަރިން އެކުގައި ފެނިފައިވާއިރު އެރީންގެ ބަނޑަށް ހަތަރު މަހަށްވުރެ ގިނަވެފައިވާ ކަމަށް ލަފާ ކުރެވެ އެވެ.

މި ހަބަރު އިންޓަނެޓްގައި ފެތުރުމާއަކު އެކްޓަރުގެ ސަޕޯޓަރުން އަންނަނީ އުފާ ފާޅު ކުރަމުންނެވެ. އެއާއެކު އެ ދެތަރިންނަށް މަރުހަބާ ކިޔަން ވެސް ގިނަ ބަޔަކު ޓްވީޓް ކޮށްފައިވެ އެވެ.

އުމުރުން 33 އަހަރުގެ ޑެނިއަލްއާއި 38 އަހަރުގެ އެރީން އެންމެ ފުރަތަމަ ބައްދަލުވީ 2013 ވަނަ އަހަރު ނުކުތް "ކިލް ޔޯ ޑާލިންގްސް"ގެ ސެޓުންނެވެ.

މިފަހުން ކުރިއަށް ދިޔަ އޮންލައިން ޝޯވްއެއްގައި ވާހަކަ ދައްކަމުން ޑެނިއަލް ބުނީ ހެރީ ޕޮޓާގައި އުޅުނު ތަރިން މައިންބަފައިންނަށް ވާ އުމުރަށް އަޅާފައިވާ ވުމަކީ ތަފާތ އިހުސާސެއް ކުރުވާ ކަމެއް ކަމަށެވެ.

ހެރީ ޕޮޓާއަކީ ދެހާހުގެ ކުރީކޮޅު ބޮޑުމީހުންނާއި ކުޑަ ކުދިންގެ މެދުގައި ވެސް މަގުބޫލުކަން ހޯދި ފިލްމުތަކެކެވެ. އޭގައި ޑެނިއަލް ފެނިގެންދަނީ ވިޒާޑް އެއްގެ ރޯލުންނެވެ.