މިދިޔަ ހުކުރު ދުވަހު ސިނަމާތަކަށް ނުކުތް ބޮލީވުޑް ފިލްމް "ގަދަރް 2"އަށް އާއްމުންގެ ބޮޑު ތަރުހީބެއް ލިބި ދެ ދުވަހުގެ ތެރޭގައި ބޮޑު އާމްދަނީއެއް ލިބިއްޖެ އެވެ.

އެގޮތުން އެ ފިލްމަށް ދެ ދުވަހުން 83 ކްރޯޑް ރުޕީސް ލިބިފައިވާއިރު ކުރިއަށް އޮތް މަދު ދުވަސްތަކުގައި 100 ކްރޯޑް ކްލަބަށް ފިލްމު ވަންނާނެ ކަމަށް މާހިރުން ބުނެ އެވެ.

2001 ވަނަ އަހަރު ނުކުތް "ގަދަރް: އެކް ޕްރޭމް ކަތާ"ގެ ސީކުއަލްއެއްގެ ގޮތުގައި ނެރުނު "ގަދަރް 2" އަށް އާމްދަނީގެ އިތުރުން އެ ފިލްމުގެ އެކްޓިންއާއި ޓެކްނިކަލް މަސައްކަތްތަކަށް ވެސް އަންނަނީ ގިނަ ބައެއްގެ ތައުރީފް ލިބެމުންނެވެ.

"ގަދަރް: އެކް ޕްރޭމް ކަތާ"ގެ ލީޑު ރޯލުން ފެނިގެން ދިޔަ ސަނީ ޑިއޯލްއާއި އަމީޝާ ޕަޓޭލް ފެނިގެންދާ "ގަދަރް 2"ގައި ފެނިގެންދަނީ އިންޑިއާއަށް ނިސްބަތްވާ ފިރިހެނަކާއި ޕާކިސްތާނަށް ނިސްބަތްވާ އަންހެނެއްގެ ލޯބީގެ ވާހަކަ އެކެވެ.

މި ފިލްމާ ބެހޭ ގޮތުން ސަނީ ބުނެފައިވަނީ ބެލުންތެރިންގެ ފަރާތުން މިހާ ބޮޑު ތަރުހީބެއް ލިބޭނެ ކަމަށް ހިތަށް ވެސް ނާރާ ކަމަށާއި އެއީ ބުނެދޭން ނޭނގޭ ކަހަލަ އިހުސާސެއް ކަމަށެވެ.