ވިކީ ކައުޝަލްއާއި ކެޓްރީނާ ކައިފްއަކީ ބޮލީވުޑްގެ އެންމެ މަގުބޫލު ޖޯޑު ކަމަށް ބުނުމުން ދޮގަަކަށް ނުުވާނެ އެވެ. އެ ދެތަރިން އެކުގައި ކެމެރާ ކުރިމަތިން ފެންނާނެ ދުވަހަކަށް ގިނަ ބަޔަކު އަންނަނީ އިންތިޒާރު ކުރަމުންނެވެ.

މިކަމާ ބެހޭ ގޮތުން ވާހަކަ ދައްކަމުން ވިކީ ބުނީ އޭނާއާއި ކެޓްރީނާ އިންތިޒާރު ކުރަމުން ދަނީ އެ ދެމީހުންނަށް ވެސް ކަމުދާ ސްކްރިޕްޓްއަކަށް ކަމަށާއި އެފަދަ ސްކްރިޕްޓެއް އަދި ނުލިބޭ ކަމަށެވެ.

އޭނާއާއި ކެޓްރީނާ އެކުގައި ފެންނާނެ ފިލްމަކަށް މީހުން އިންތިޒާރުކުރާ ކަން އެނގޭ ކަމަށާއި އެހެން ނަމަވެސް އެހެން ނަމަވެސް ހަމައެކަނި އެ ސަބަބަށްޓަކައި ފިލްމަކަށް އެއްބަސް ނުވާނެ ކަމަށް ވެސް ވިކީ ބުންޏެވެ.

އޭގެ އިތުރުން އަންހެނުންނާއެކު އެއް ސްކްރީނެއް ހިއްސާކުރަން ކެތްމަދު ވެފައިވާ ކަމަށާއި ރަނގަޅު ފުރުސަތެއް ލިބިއްޖެނަމަ ބޭނުން ކުރާނެ ކަމަށް ވިކީ ބުނެފައިވެ އެވެ.

ވިކީއާއި ކެޓްރީނާ ސިއްރުން ރައްޓެހިވެގެން އުޅުމަށްފަހު ކައިވެނިކުރީ 2021 ވަނަ އަހަރު ޑިސެމްބަރު މަހު އިންޑިއާގެ ރާޖަސްތާންގަ އެވެ.