2018 ވަނަ އަހަރުގެ "ޑްރަންކް ޑްރައިވް" މައްސަލައެއްގައި ބޮލީވުޑްގެ އެކްޓަރު ދަލިޕް ތާހިލް ދެ މަސް ދުވަހަށް ޖަލަށް ލާން ހުކުމް ކޮށްފި އެވެ.

އިންޑިއާގެ މެޖިސްޓްރޭޓް ކޯޓަކުން ކުރި އެ ހުކުމްގައި ބުނެފައިވަނީ އެކްސިޑެންޓަށްފަހު ދަލިޕްގެ މެޑިކަލް ޓެސްޓުތައް ހެދި ޑޮކްޓަރުގެ ހެކިބަހުން އޭނާގެ ލޭގައި މަސްތުވާތަކެތީގެ އަސަރު ހުރިކަން ސާބިތުވެފައިވާ ކަމަށެވެ.

މީގެ ފްސް އަހަރު ކުރިން ދިލިޕް ދުއްވި ކާރެު ކުރޮޅިއެއްގައި ޖެހި އެ ކުރޮޅިން ދަތުރުކުރި ދެމީހުންގެ ތެރެއިން އެކަކަށް ވަނީ އަނިޔާވެފަ އެވެ. ރިޕޯޓުތައް ބުނާ ގޮތުގައި ދަލިޕް ވަނީ ކާރުން ނުކުމެ ކުރޮޅިން ދަތުރުކުރި މީހުންނާ ޒުވާބުވެސް ކޮށްފަ އެވެ.

ހާދިސާ ހިނގި ސަރަހައްދުން ދަލިޕް ހައްޔަރު ކުރެވުމުން އޭނާ ވަނީ އެ ތުހުމަތު ތަކަށް އިންކާރުކޮށްފަ އެވެ. ލޭގެ ސާމްޕަލް ދިނުމަށްވެސް ފުރަތަމަ އޭނާ ދެކޮޅު ހެދި އެވެ.

ދަލިޕް ތާހިލްއަކީ 90ގެ އަހަރު ތަކުގައި ފިލްމުތަކުގެ ނެގެޓިވް ރޯލުތަކުން ގިނަ ބައެއްގެ މަގުބޫލުކަން ހޯދި ތަރި އެކެވެ. އޭނާގެ ފާހަގަ ކޮށްލެވޭ ފިލްމުތަކުގެ ތެރޭގައި "ބާޒީގަރް"، "ރާޖާ" އަދި "ކަހޯނާ ޕްޔާރުހޭ" ފަދަ ފިލްމުތައް ހިމެނެ އެވެ.