ސިދްހާތު މަލްހޯތުރާއަކީ ބޮލީވުޑްގެ އަރަމުން އަންނަ ޒުވާން ކާމިޔާބު ތަރިއެކެވެ. ބޮލީވުޑްގައި 10 އަހަރުވިއިރު އޭނާއަށް މާލީ ގޮތުން ބޮޑު އާމްދަނީއެއް ލިބެ އެވެ. މި ބަލާލަނީ އޭނާގެ މިލްކިއްޔާތުގެ ބައެއް އުސްއަލިތަކަށެވެ.

ހާލީ-ޑޭވިޑްސަން ޑައިނާ ފެޓް ބޮބް

ގިނަ ބޮލީވުޑްގެ ތަރިންނެކޭ އެއްފަދައިން ސިދްހާތުގެ އަތުގައި ވެސް ހާލީ-ޑޭވިޑްސަން ޑައިނާ ފެޓް ބޮބްއެއް އޮވެ އެވެ. މިއީ 1.7 މިލިއަން ރުޕީސްގެ އަގުހުރި ސައިކަލެކެވެ. ސިދްހާތުގެ އިތުރުން ސައިފް އަލީ ޚާން، ޝާހިދު ކަޕޫރް އަދި ސަންޖޭ ދަތުވެސް ހަމަ މި ބްރޭންޑުގެ ސައިކަލް ދުއްވަ އެވެ.

ރޭންޖް ރޯވާ ވޯރްޖް

ސިދްހާތުގެ މިލކިއްޔާތުގައި އިންޑިއާގެ އެންމެ އަގުބޮޑު ކާރުތަކުގެ ލިސްޓުގައި ހިމެނޭ ރޭންޖް ރޯވާ ވޯގްގެ ކާރެއް ވެސް އޮވެ އެވެ. އޭނާ މިކާރު ދުއްވާ މަންޒަރު ވަރަށް ގިނައިން ފެނެ އެވެ. މި ކާރަކީ 2.5 ކަރޯޑު (336،000 ޑޮލަރު)ގެ ކާރެކެވެ.

މާސޭޑީސް ބެންޒް އެމްއެލް 350 4މެޓިކް

ސިދްހާތު 2014 ވަނަ އަހަރު ގަތް މި އަގުހުރި ކާރުގެ އަގުން ވެސް ސަޕޯޓަރުން އަންތަރީސް ވާވަރުވާނެ އެވެ. 66 ލައްކައިގެ މާސޭޑީސް ބެންޒް އެމްއެލް 359 4 މެޓިކްއަކީ ގިނަ ތަރިން ލޯބިކުރާ ކާރެކެވެ.

ބެޗްލާ ޕެޑް އެޕާޓްމަންޓް

މުމްބާއީގެ ޕާލީ ހިލްސްގައި ހުންނަ ސިދާތްގެ "ލެވިޝް ބެޗްލާ ޕެޑް" އެޕާޓްމެންޓް ޑިޒައިން ކޮށްފައިވަނީ މަޝްހޫރު އިންޓީރިއާ ޑިޒައިނަރު އަދި ބޮލީވުޑްގެ ބާދްޝާ ޝާޚްރުކްގެ އަންހެނުން ގޯރީ ޚާން އެވެ.