90ގެ އަހަރުތަކާއި ދެހާހުގެ އަހަރުތަކުގައި ގިނަ ބައެއްގެ މަގުބޫލުކަން ހޯދި "ދަ އާޗީސް" ކޮމިކް ފޮތްތަކުގެ މައްޗަށް ހަދާފައިވާ ހިންދީ މިއުޒިކަލް ފިލްމު "ދަ އާޗީސް" ނެޓްފްލިކްސްއަށް ނެރެފި އެވެ.

މިދިޔަ ބުރާސްފަތި ދުވަހު ދަ އާޗީސް ނެޓްފްލިކްސްއަށް ނުކުތްއިރު އެންމެ ފުރަތަމަ 24 ގަޑިއިރު ތެރޭގައި ވެސް އެތައް ހާސް މީހުންނެއް އެ ފިލްމު ބަލާފައިވެ އެވެ.

އެގޮތުން ފިލްމު ބެލި ގިނަ މީހުން އެ ފިލްމުގެ ވާހަކައާއި އެކްޓިންއަށް ތައުރީފް ކުރަމުން ދިޔަ ނަމަވެސް ކޮމިކް ފޮތްތަކުގެ ވާހަކަ އެ ފިލްމުގައި ރަނގަޅަށް ގެނެސްދެވިފައިނުވާ ކަމަށް ވެސް މީހުން އަންނަނީ ބުނަމުންނެވެ.

ޒޯޔާ އަޚްތަރު ޑައިރެކްޓްކޮށް ނެރެފައިވާ އެ ފިލްމުގެ މުހިއްމު ރޯލުތަކުން ފެންނަ ތަރިންގެ ތެރޭގައި އަގަސްތުޔާ ނަންދާ، ސުހާނާ ޚާން އަދި ޚުޝީ ކަޕޫރު ހިމެނެ އެވެ.

ދަ އާޗީ ކޮމިކްސްގެ މައްޗަށް މީގެ ކުރިން ވެސް އިނގިރޭސި އުފެއްދުންތަކެއް ނެރެފައިވެ އެވެ. އޭގެ ތެރެއިން އެންމެ ފާހަގަކޮށްލެވެނީ "ރިވަޑޭލް" ސީރީޒް އެވެ.