މިހާރު ސިނަމާތަކުގައި ދައްކަމުން އަންނަ ރަންބީރު ކަޕޫރުގެ ފިލްމު "އެނިމަލް"ގެ ރޯލަކުން ފެނިގެންދިޔަ އެކްޓްރެސް ޓްރިޕްތީ ޑިމްރީގެ އިންސްޓަގްރާމް ފޮލޯވަރުންގެ އަދަދު ދެ މިލިއަން އިތުރުވެއްޖެ އެވެ.

މީގެ ހަފްތާއެއް ކުރިން ޓްރިޕްތީގެ ފޮލޯވަރުންގެ އަދަދު އުޅުނީ 71000ގަ އެވެ. އެހެން ނަމަވެސް އެނިމަލް ރިލީޒް ކޮށްގެން މިވީ އެއް ހަފްތާގެ ތެރޭގައި އެ އަދަދު މިހާރު ވަނީ 2.7 މިލިއަނަށް އިތުރުވެފަ އެވެ. މިއީ 320 ޕަސެންޓްގެ އިތުރު ވުމެކެވެ.

"އެނިމަލް"ގައި ޓްރިޕްތީ ފެނިގެންދިޔަ ޒޯޔާގެ ރޯލަކީ ފިލްމުގެ ނިސްބަތުން ވަރަށް ކުރު އެހެން ނަމަވެސް ވަރަށް ވަރުގަދަ ރޯލެކެވެ. އެ ރޯލު އޭނާ ކުޅެދިން ގޮތުން ގިނަ ބައެއްގެ ތައުރީފް ވެސް އަންނަނީ ލިބެމުންނެވެ.

އެހެން ނަމަވެސް ފިލްމުގައި ޓްރިޕްތީ ރަންބީރާއެކު ގައިގޯޅި މަންޒަރުތަކެއް ކުޅެފައިވާތީ އެކަމަށް ފާޑުކިޔާ މީހުން ވެސް ސޯޝަލް މީޑިއާގައި އުޅެ އެވެ.

ރަންބީރު ކަޕޫރާއި ޓްރިޕްތީގެ އިތުރުން އެނިމަލްގެ މުހިއްމު ރޯލުތަކުން ފެންނަ ތަރިންގެ ތެރޭގައި ރަޝްމިކާ މަންދަނާއާއި ބޮބީ ޑިއޯލް ހިމެނެ އެވެ.