ސަލްމާން ޚާންއާއި އޭނާގެ އާއިލާއަކީ މިވަގުތު ބޮލީވުޑްގަައި މަސައްކަތްކުރާ އެންމެ ނުފޫޒުގަދަ އެއް އާއިލާއޭ ދެންނެވުމަކުން ދޮގަކަށް ނުވާނެ އެވެ. އެ އާއިލާގެ ގިނަ މެމުބަރުންތަކެއް ބޮލީވުޑްގައި މަސައްކަތް ކުރާއިރު އެ އާއިލާގެ ޖުމްލަ މިލްކިއްޔާތު 5259 ކްރޯޑް ރުޕީސްއަށް އަރާ ކަމަށް ރިޕޯޓުތައް ބުނެ އެވެ. މި ބަލާލަނީ އެ އާއިލާގެ ވަކި ވަކި މެމްބަރުންގެ މިލްކިއްޔާތަށެވެ.

ސަލްމާން ޚާން

ސަލްމާން ޚާންއަކީ ބޮލީވުޑްގައި 30 އަށްވުރެ ގިނަ އަހަރު ވެފައިވާ ފަންނާނެކެވެ. އޭނާގެ މިލްކިއްޔާތުގައި އެކި އިމާރާތްތަކާއި ކާރުތަކުގެ އިތުރުން ކުންފުނިތަކުގެ ހިއްސާ ވެސް އޮވެ އެވެ. ސަލްމާން ޚާންގެ ޖުމްލަ މިލްކިއްޔާތަކީ 2916 ކްރޯޑް ރުޕީސް އެވެ.

އަރްބާޒް ޚާން

ބިގްބޮސް 17ގައި މިވަގުތު ފެންނަ އަރްބާޒް ޚާން އޭނާގެ މުޅި ކެރިއަރުގައި ހޯދާފައިވަނީ ގާތްގަނޑަކަށް 500 ކްރޯޑް ރުޕީސް އެވެ. އަރްބާޒް ބޮލީވުޑްގެ ފިލްމުތަކުން ފެނުނު ނަމަވެސް ބޮޑަށް ހަރަކާތްތެރިވަނީ ވިޔަފާރީގެ ދާއިރާގަ އެވެ.

ސުހައިލް ޚާން

ސަލްމާންއާއި އަރްބާޒްގެ ކޮއްކޮ ސޮހައިލް ޚާންއަކީ ބޮލީވުޑްގައި މާ ކާމިޔާބު ތަރިއަކަށް ނުވި ނަމަވެސް އޭނާގެ މިލްކިއްޔާތުގައި ވެސް 333 ކްރޯޑް ރުޕީސް ހުރި ކަމަށް ރިޕޯޓުތައް ބުނެ އެވެ.

ދަރްމެންދްރާ

އެ އާއިލާގެ އެންމެ ދޮށީ މެމްބަރު ކަމަށްވާ ދަރުމެންދްރާއަކީ 1970 އާއި 1980ގެ އަހަރުތަކުގައި ގިނަ ބައެއްގެ ލޯބި ހޯދި ތަރި އެކެވެ. ދަރްމެންދްރާގެ މިލްކިއްޔާތަކީ 1000 ކްރޯޑް ރުޕީސް އެވެ.