2023 ވަނަ އަހަރަކީ ކުރީގެ އެކްޓްރެސް އަދި މިހާރުގެ ކުޅަދާނަ ލިޔުންތެރިޔާ ޓްވިންކަލް ޚަންނާއަށް ވަރަށް ކާމިޔާބު އަހަރެކެވެ. އަނެއްކާވެސް އޭނާއަށް މިވަނީ އިތުރު ކާމިޔާބެއް ލިބިފަ އެވެ.

އެގޮތުން އެންމެ ފަހުން ނެރެވުނު ޓްވިންކަލްގެ ފޮތް ކަމަށްވާ "ވެލްކަމް ޓު ދަ ޕެރަޑައިޒް"އަށް ކުޑަ ދުވަސްކޮޅެެއްގެ ތެރޭގައި "ބެސްޓް ސެލާ"ގެ ޝަރަފު ލިބިއްޖެ އެވެ.

އެ ފޮތް ނެރުނުތާ ހަފްތާއެއް އަދި ވެފައިނުވާއިރު 2023 ވަނަ އަހަރުގެ އެންމެ ކާމިޔާބު ޚިޔާލީ ވާހަކައިގެ ގޮތުގައި އެ ފޮތް ވަނީ ލިސްޓު ކުރެވިފަ އެވެ.

މިކަމާ ބެހޭ ގޮތުން ވާހަކަ ދައްކަމުން ޓްވިންކަލް ބުނީ ލިޔުންތެރިކަމަކީ އޭނާ އަބަދުވެސް ކުރާ ހިތްވާ ކަމެއް ކަމަށާއި އޭނާގެ ފޮތަށް އާއްމުންނާއި ފާޑުކިޔުންތެރިންގެ ފަރާތުން ލިބެމުންދާ ތަރުހީބާމެދު އުފާކުރާ ކަމަށެވެ.

"ވެލްކަމް ޓު ދަ ޕެރެޑައިޒް"އަކީ ދިރިއުޅުމުގެ އެކި ސަފްހާ ތަކުގައި އަންހެނެއްގެ އިހުސާސްތައް ދައްކުވައިދޭ ހިޔާލީ ވާހަކަ އެކެވެ.

އެކްޓަރު އަކްޝޭ ކުމާރްއާ ކައިވެނި ކޮށްގެން އުޅޭ ޓްވިންކަލް 90ގެ އަހަރުތަކުގައި ބޮލީވުޑުން ފެނުނު ނަމަވެސް އޭނާއަށް އެ ދާއިރާއިން މާބޮޑު ކާމިޔާބެއް ލިބިފައެއް ނުވެ އެވެ.