ބޮލީވުޑަށް އަލަށް ތައާރަފްވި ދެތަރިން ކަމަށްވާ ސުހާނާ ޚާންއާއި އަގަސްތުޔާ އުޅެނީ ލޯބީގެ ގޮތުން ގުޅިގެން ކަމަށް ބުނާ ހަބަރުތަކަށް އިތުރު ބާރެއް ލިބިއްޖެ އެވެ.

ހަބަރުތައް ބުނާ ގޮތުގައި މި ދެތަރިން ވަނީ އެކަކު އަނެކަކުގެ ބައިވެރިޔާގެ ގޮތުގައި އެމީހުންގެ އާއިލާތަކަށް ވެސް ތައާރަފްވެފަ އެވެ. އެހެން ކަމުން އެ ދެމީހުންގެ ގުޅުމަކީ ވަރަށް ވަރުގަދަ ގުޅުމެއް ކަމަށް މިހާރު ބުނެވެ އެވެ.

މީގެ އިތުރުން ވެސް އެކި މުނާސަބަތުތަކުގައި އެދެމީހުން އެކުގައި ފެންނަ މިންވަރު ވަނީ އިތުރުވެފަ އެވެ. އެގޮތުން ބޮލީވުޑް ޕާޓީތަކަށާއި ރޭގަނޑުގެ ކެއުންތަކަށް އެދެމީހުން އާއްމުކޮށް އެކުގައި ދެ އެވެ.

ޝާހްރުކް ޚާންގެ ދަރިފުޅު ސުހާނާއާއި ބައްޗަން އާއިލާއަށް ނިސްބަތްވާ އަގަސްތުޔާ އެންމެ ފުރަތަމަ ބައްދަލުވީ މިފަހުން ނެރުނު ނެޓްފްލިކްސް ފިލްމު "އާޗީސް"ގެ ޝޫޓިންގެ ތެރެއިންނެވެ.

އޭރުއްސުރެ އެ ދެމީހުންގެ މެދުގައި ގުޅުމެއް އޮންނަ ކަމަށް އަޑު ފެތުރެމުން ދިޔަ ނަމަވެސް އެއިން އެއްވެސް ތަރިއެއް އެކަން ޔަގީން ކޮށްދީފައެއް ނުވެ އެވެ.