ޝަރްމީލާ ޓެގޯރްއަކީ 1970ގެ އަހަރުތަކުގައި ބޮލީވުޑުގެ ފިލްމުތަކުން ވިދާލި އެއް ތަރި އެވެ. ފިލްމީ ހަޔާތުން ފެށިގެން ޒާތީ ދިރިއުޅުމަށް ދަންދެން އޭނާގެ ހަޔާތަކީ ގިނަ ބަޔަކު ހޯދާ އޮޅުން ފިލުވަން ބޭނުންވި ކަމެކެވެ.

މިފަހުން އޭނާ ބައިވެރިވި ކޮފީ ވިތު ކަރަންގެ އެޕިސޯޑުގައި ޝަރްމީލާ ވަނީ އޭނާގެ އޮޓޯބައޮގްރަފީއާ ބެހޭ ގޮތުން ވާހަކަ ދައްކާފަ އެވެ.

އެގޮތުން އޭނާ ބުނީ އެއީ ވުމުގެ ފުރުސަތު އޮތް ކަމެއް ކަމަށާއި ރަނގަޅު ހުށައެޅުމެއް ލިބިއްޖެނަމަ އެކަމަށް ނޫނެކޭ ނުބުނާނެ ކަމަށެވެ.

އޮޓޯބައޮގްރަފީ ފިލްމުގައި އޭނާގެ ރޯލު ކުޅެން ބޭނުންވަނީ ކޮން ތަރިއެއްތޯ ސުވާލު ކުރެވުމުން ޝަރްމީލާ ބުނީ މިވަގުތު އޭނާ ބޭނުންވަނީ އާލިއާ ބަޓް ކަމަށެވެ.

އެހެން ނަމަވެސް އަހަރުތަކެއް ފަހުން އެކަން ކުރާނަމަ އެ ރޯލު ކުޅެން ބޭނުމީ މާމަ ދަރިފުޅު ސާރާ އަލީ ޚާން ކަމަށް ވެސް އޭނާ ބުންޏެވެ.

ޝަރްމީލާ ކައިވެނި ކޮށްފައިވަނީ އިންޑިއާގެ ރަސްމަތި ފުށުގެ އާއިލާއަކަށް ނިސްބަތްވާ ނަވާބް މަންސޫރު އަލީ ޚާން އާއެވެ. އެކްޓަރު ސައިފް އަލީ ޚާންއަކީ އެ ދެމަފިރިންގެ ދަރިއެކެވެ.