ދަރްމާ ޕްރޮޑަކްޝަންސްގެ ބައެއް ފިލްމުތައް ޕްރޮމޯޓް ކުރަން މީހުންނަށް ރިޝްވަތު ދިން ކަމަށް އެ ކުންފުނީގެ ޕްރޮޑިއުސަރު އަދި ޑައިރެކްޓަރު ކަރަން ޖޯހަރު އެއްބަސްވެއްޖެ އެވެ.

މީޑިއާއަށް ދިން އިންޓަވިއުއެއްގައި ކަރަން ބުނީ ޕްރޮޑިއުސަރެއްގެ ގޮތުގައި އޭނާގެ ފިލްމުތައް ޕްރޮމޯޓް ކުރަން ބައެއް ފަހަރު ތަފާތު އުކުޅުތައް ގެންގުޅެންޖެހޭ ކަމަށެވެ.

އެގޮތުން އާއްމުންގެ މެދުގައި މަޝްހޫރު މީހުންނަށް ފައިސާ ދީގެން އޭނާގެ ފިލްމުތަކަށް ތައުރީފް ކުރުވި ކަމަށް ކަރަން ބުނެފައިވެ އެވެ.

ކަރަންގެ ދަރްމާ ޕްރޮޑަކްޝަންސްއިން މިފަހުން އުފެއްދި ފިލްމުތަކަށް އިންޑިއާގެ ބޮކްސްއޮފީހުގައި މާބޮޑު ކާމިޔާބެއް ލިބިފައެއް ނުވެ އެވެ. އޭގެ ތެރޭގައި "ރޮކާ އޯރް ރާނީކީ ޕްރޭމް ކަހާނީ" ފާހަގަ ކޮށްލެވެ އެވެ.

މީގެ ކުރިންވެސް ކަރަން އެފަދަ ގޮތަކަށް އަމަލު ކުރާ ކަމަށް މީޑިއާގައި އަޑު ފެތުރިފައިވެ އެވެ. އެހެން ނަމަވެސް މިއީ އާއްމުކޮށް އޭނާ އެކަން ގަބޫލުކުރި ފުރަތަމަ ފަހަރެވެ.