މިހާރު ސިނަމާތަކުގައި ދައްކަމުން އަންނަ ރިތިކް ރޯޝަންއާއި ދީޕިކާ ޕަދުކޯންގެ ފިލްމު "ފައިޓާ" އޮންލައިންކޮށް ލީކު ކޮށްލައިފި އެވެ.

ސިނަމާގައި ރަނގަޅު އާމްދަނީއެއް ހޯދަމުން އަންނަ ފައިޓާގެ އެޗްޑީ ސްކްރީން ކޮޕީއެއް މިހާރު އިންޓަނެޓުގެ ޓޮރެންޓް ވެބްސައިޓްތަކުން ލިބެން އެބަހުރި ކަމަށް ހަބަރުތައް ބުނެ އެވެ.

އެހެން ނަމަވެސް މިކަމުގެ ސަބަބުން ފިލްމުގެ އާމްދަނީއަށް މާ ބޮޑު ބަދަލެއް އަންނާނެ ކަމަށް ގަބޫލު ނުކުރެވޭ ކަމަށް ވެސް ބޮލީވުޑްގެ މާހިރުން ބުނެ އެވެ.

ސަބަބަކީ މިހާރު އާއްމުން ވެސް ބޭނުންވަނީ ސިނަމާތަކުގައި ފިލްމުތައް ބަލަން ކަމަށާއި އޮންލައިންކޮށް ނުސާފު ކޮޕީއެއް ބަލަނީ މަދު ބަޔެއް ކަމަށް ވުމުންނެވެ.

2023 ވަނަ އަހަރު ނުކުތް ގިނަ ފިލްމުތަކެއްގެ ވެސް ނުސާފު ކޮޕީ އޮންލައިންކޮށް ލީކުވެފައިވާއިރު އެ ފިލްމުތައް ވެސް ވަނީ ބޮކްސް އޮފީހުގައި ކާމިޔާބު ފިލްމުތަކަކަށްވެފަ އެވެ.