ޕަރިނީތީ ޗޯޕްރާއާއި ރާގަވް ޗައްދާއަކީ ބޮލީވުޑްގެ ޒުވާން ޖޯޑުތަކުގެ ތެރެއިން އެންމެ ލޯބި އެއް ޖޯޑުގެ ގޮތުގައި އާއްމުން ބަލައިގަނެފައިވާ ޖޯޑެެކެެވެ.

މިފަހުން ކައިވެނިކުރި ޕަރިނީތީއާއި ރާގަވް އަންނަނީ ޒަވާޖީ ހަޔާތުގެ އެކި ކަންކަން ތަޖުރިބާ ކުރަމުންނެވެ. އެގޮތުން ދާދި ފަހުން ރާގަވް މިވަނީ އުފާވެރި ދިރިއުޅުމަކަށް އަރާރުންވުންތައް ސުލްހަކުރާނެ ފޯމިއުލާއެއް ކިޔައިދީފަ އެވެ.

ދާދި ފަހުން ބޭއްވި ނޫސްވެރިންގެ ބައްދަލު ވުމެއްގައި ރާގަވް ބުނެފައިވަނީ ކަމަކާ ދެބަސްވާން ޖެހިއްޖެނަމަ އެކަކު އަނެކަކަށް އެމީހެއްގެ ވިސްނުން ވިސްނައިދޭ ކަމަށާއި އިސާހިތަކު މައްސަލަ ހައްލުކުރެވޭ ކަމަށެވެ.

ރާގަވް އިތުރަށް ބުނީ ކައިވެނީގެ ކުރީކޮޅު ހުރިހާ ކަމެއްގައި ވެސް އަނބިމީހާގެ ވިސްނުން ރަނގަޅުވާނެކަން އޭނާއަށް ވިސްނުނު ކަމަށާއި އެހިސާބުން އެއްވެސް އަރާރުން ވުމެއް ނުއުފެދޭ ކަމަށެވެ.

ރާގަވްއާއި ޕަރިނީތީ ކައިވެނި ކޮށްފައިވަނީ މިދިޔަ އަހަރުގެ ސެޕްޓެމްބަރު މަހު 24 ވަނަ ދުވަހު އިންޑިއާގެ ރާޖަސްތާނުގައި ހުންނަ ލާލް ޕެލެސްގަ އެވެ.

ފިލްމީ މަސައްކަތްތަކަށް ބަލާއިރު ޕަރިނީތީ ދެން އެންމެ އަވަހަށް ފެންނާނީ އިމްތިޔާޒް އަލީ ޑައިރެކްޓްކުރާ ފިލްމެއް ކަމަށްވާ "ޗަމްކީލާ" އިންނެވެ.