ބޮލީވުޑްގެ އެކްޓްރެސް ސޮނާކްޝީ ސިންހާ މިމަހުގެ 23 ވަނަ ދުއަހު ކަނިވެނި ކުރާކަން މީޑިއާއަށް އެނގުމާއެކު ދެން އެންމެ ގަދައަށް ދެކެވުނު ވާހަކައަކީ އެ ކައިވެނީގައި ސޮނާކްޝީގެ ބައްޕަ ބައިވެރިވާނެތޯ ދެކެވުނު ވާހަކަތަކެވެ.

ހަބަރުތައް ބުނާ ގޮތުގައި ސޮނާކްޝީގެ ބައްޕަ ޝަތުރުގަން ސިންހާ ހުރީ ސޮނާކްޝީގެ ކައިވެނީގެ ވާހަކަ އޭނާއާ ހިއްސާ ނުކުރުމުން ކޮންމެވެސް ވަރަކަށް ހިތްހަމަ ނުޖެހިފަ އެވެ.

އެހެން ނަމަވެސް އެ ހުރިހާ ނުތަނަވަސްކަމެއް ހައްްލުކޮށް ޝަތުރުގަން އޭނާގެ ދަރިފުޅުގެ ކައިވެނީގައި ބައިވެރިވާނެކަން އާއިލާގެ މެމްބަރަކު މިހާރު ވަނީ ޔަގީން ކޮށްދީފަ އެވެ.

"ދަރިފުޅު ދެެކެ ރުޅި އައިސްގެން މާ ގިނަ ދުވަހަކު ނުހުރެވޭނެ. އެހެންވީމާ އޭނާ (ޝަތުރުގަން) ސޮނާކްޝީގެ ކައިވެނީގައި ބައިވެރިވާނެ" އެމީހާ ބުންޏެވެ.

ޖޫން 23 ވަނަ ދުވަހު ސޮނާކްޝީ ކައިވެނި ކުރަން ހަމަޖެހިފައިވަނީ ފިލްމު "ޑަބަލް އެކްސެލް"ގައި އޭނާއާއެކު މަސައްކަތްކުރި ޒަހީރު އިގުބާލްއާ އެވެ.