ބިންވެރިޔާ ސްކީމްގެ ދަށުން ގުޅީފަޅުން ގޯތި ލިބިފައިވާ މީހުންނަށް ގޯތި ލިބޭ ސަރަހައްދު ކަނޑައެޅުމަށް ބާއްވާ ގުރުނެގުން މާދަމާ ބޭއްވުމަށް ނިންމާފައި ވަނިކޮށް ގުޅީފަޅުގެ ލޭންޑް ޔޫޒް ޕްލޭން އަނެއްކާވެސް ބަދަލުކޮށްފި އެވެ.

ގުޅީފަޅުން ބިން ލިބޭ ސަރަހައްދު ކަނޑައެޅުމަށް ބާއްވާ ގުރުއަތުލުން ބޭއްވުމަށް ހަމަޖެހިފައިވަނީ މާދަމާ ހެނދުނު 9:00 ގަައި ދަރުބާރުގޭ ރަންނަބަނޑޭރި މާލަމުގަ އެވެ.

އަލަށް އާންމުކުރި ޕްލޭނުގައިވާ ގޮތުން ކުރިން 86 ގޯތި އޮތް ސަރަހައްދެއް މިހާރު ވަނީ އިންޑަސްޓްރިއަލް ޒޯނަކަށް ބަދަލުކޮށްފަ އެވެ. ކުރިން އެތަނުގައި ހުރި ގޯތިތައް ބަދަލުކޮށްފައިވާ ސަރަހައްދެއް ސާފެއް ނޫނެވެ.

ގުޅީފަޅުން ދޫކުރާ ގޯތީގެ ތަފްސީލް

1250 އަކަފޫޓުގެ 669 ގޯތި

1650 އަކަފޫޓުގެ 1234 ގޯތި

2050 އަކަފޫޓުގެ 916 ގޯތި

2450 އަކަފޫޓުގެ 473 ގޯތި

2850 އަކަފޫޓުގެ 158 ގޯތި

3250 އަކަފޫޓުގެ 49 ގޯތި

3650 އަކަފޫޓުގެ 21 ގޯތި

ހައުސިން މިނިސްޓްރީން ބުނީ ބިން ލިބޭ ފަރާތެއްގެ ބަދަލުގައި އެހެން ފަރާތަކުން ގުރުނެގުމަށް ހާޒިރުވާން ބޭނުންނަމަ، ބިން ލިބޭ ފަރާތުގެ އިއުތިރާޒެއް ނެތް ކަމުގެ ލިޔުމަކާއި އައިޑީކާޑުގެ ކޮޕީ ގެންދަންޖެހޭނެ ކަމަށެެވެ.

ބަދަލުކުރި ލޭންޑު ޔޫޒް ޕްލޭން މި ލިންކުން ފެންނާނެ އެވެ.