މި ދުވަސްވަރު ލޯބީގެ ގޮތުން އެއްވެސް މީހަކާ ގުޅިގެން ނޫޅޭކަން ބޮލީވުޑްގެ އަރަމުން އަންނަ މަޝްހޫރު ތަރި ކާތިކް އާރްޔަން ހާމަކޮށްފި އެވެ.

ދާދި ފަހުން މީޑިއާއަށް ދިން އިންޓަވިއުއެއްގައި ކާތިކް ބުނީ އޭނާ މިވަގުތު ހުރީ ހުސްކޮށް ކަމަށާއި މީހަކާ ރައްޓެހިނުވެ ހުރީ އެކަމަށް ވަގުތު ނުވާތީ ކަމަށެވެ.

އޭނާގެ ފިލްމު "ޗަންދޫ ޗެމްޕިއަން"އަށް ތައްޔާރުވާން ފެށިފަހުން މަސައްކަތުގައި ވަރަށް ބުރަކޮށް އުޅެންޖެހޭ ކަމަށާއި އެހުރިހާ ކަމަކުން އަވަދިވެ މީހަކަށް ދޭނެ ވަގުތެއް ނޯންނަ ކަމަށް ކާތިކް ބުންޏެވެ.

އެގޮތުން އެ ފިލްމަށްޓަކައި އޭނާގެ ދިރިއުޅުމަށް ބޮޑެތި ބަދަލުތަކެއް ގެންނަން ޖެހުނު ކަމަށާއި އެކަންކަން ގާތްގަނޑަކަށް ދެ އަހަރު ވަންދެން ކުރިއަށް ދިޔަ ކަމަށް ކާތިކް ފާހަގަކުރި އެވެ.

"އަހަރެންގެ ލައިވް ލޮކޭޝަން އެހެން މީހަކާ ހިއްސާ ކުރާނެ ވަގުތެއް މިހާރު އަހަންނަކަށް ނުލިބޭ" ސަމާސާ ރާގަކަށް ކާތިކް ބުނެފައިވެ އެވެ.

ކާތިކް މި ބީދައިން ވާހަކަ ދައްކާފައި މިވަނީ އޭނާއާއި އަނަންޔާ ޕާންޑޭ ލޯބީގެ ގޮތުން ގުޅިގެން އުޅޭ ކަމަށް އަޑުތައް އަރާފައި ވަނިކޮށެވެ.

ފިލްމީ މަސައްކަތްތަކަށް ބަލާއިރު ކާތިކްގެ އެންމެ ފަހުގެ ފިލްމު "ބޫލް ބުލައްޔާ 3" ސިނަމާތަކުގައި ދައްކަމުންދާއިރު އެ ފިލްމަށް އާއްމުންގެ ބޮޑު ތަރުހީބެއް އަންނަނީ ލިބެމުންނެވެ.