ދަށު ކޯޓުން ކުށް ސާބިތުވެފައިވާ ޑޮނާލްޑް ޓްރަންޕް އެމެރިކާގެ ރިޔާސީ އިންތިހާބު ކާމިޔާބުކުރުމާ ގުޅިގެން ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ރިޔާސީ ޓިކެޓު ބާތިލު ކުރި ކުރުމާ ގުޅުވައި އެމަނިފާނުގެ އިސް ގާނޫނީ ވަކީލު ޑރ. މުހައްމަދު ޖަމީލު އަހުމަދު ވަރުގަދަ ސުވާލެއް ސުޕްރީމް ކޯޓަށް އަމާޒުކުރައްވައިފި އެވެ.

އެކްސްގައި ކުރެއްވި ޕޯސްޓެއްގައި ޑރ. ޖަމީލް ވިދާޅުވީ 2023 ގައި ރާއްޖޭގެ އިންތިހާބުގައި ޔާމީނަށް ލިބިފައިވާ ޕީޕީއެމް/ޕީއެންސީގެ ރަސްމީ ޓިކެޓް ސުޕްރީމް ކޯޓުން ބާތިލްކުރީ ދަށު ކޯޓުގެ ހުކުމެއް އޮތުމުންކަމަށެވެ. އެގޮތުން އެ ދުވަހު މައްސަލައިގައި ފަނޑިޔާރު އަޒްމިރަލްދާ ޒާހިރު އަމަލުކުރެއްވި ގޮތް ޑރ. ޖަމީލް ހަނދާނަށް ގެންނެވި އެވެ. މަލާމާތުގެ ރާގަކަށް އެ ދުވަހު ފަނޑިޔާރު ޑރ. އަޒްމިރަލްދާ ވިދާޅުވީ ވެރިކަން ކުރާނީ ޖަލުގައި އޮވެގެންތޯ އެވެ.

https://supremecourt.mv/storage/mv/sc-ninmunthah/hukum/2023sc32-20213scc01abdulla-yameen-abdul-gayyoom-v-ec.pdf

ހައިކޯޓުން މައްސަލަ ކޯޓުގައި ތާށިކޮށް އިސްތިއުނާފީ ހައްގު ހުއްޓުވިއިރު، އިންތިހާބަށްފަހު ސުޕްރީމް ކޯޓުގެ ހުކުމުން އެމަނިކުފާނު މިނިވަންވުމުން ހައްގު ގެއްލިފައިވާކަން ސާފެވެ. އެހެންވެ އެ ހައްގު އިއާދަކޮށްދޭނީ ކިހިނެތްތޯ ޑ. ޖަމީލް ސުވާލު އުފެއްދެވި އެވެ.

ރާއްޖެ ދުސްތޫރީ ގޮތުން މޮޑެލަކަށް ބަލަނީ އެމެރިކާ ކަމުގައިވާއިރު، އެ ގައުމުގެ ދަށު ކޯޓުން ކުށެއް ސާބިތުވެފައިވާއިރުވެސް އިންތިހާބުގައި ވާދަ ކުރުމުގެ ހައްގު ނުގެއްލޭކަމަށް ކަނޑައެޅީ ގޯސްކޮށްތޯ ވެސް ޑރ. ޖަމީލް ސުވާލު އުފެއްދެވި އެވެ.

ހަމައެހެންމެ މިއަދުވެސް ސާބިތު މިވީ މިނިވަން ޖުޑިޝަރީއެއް ރާއްޖޭގައި ނެތްކަން ކަމަށް ވެސް ޑރ ޖަމީލު ވަނީ ވިދާޅުވެފައެވެ.