1. މޭކަޕް އާޓިސްޓެއްގެ ގޮތުގައި މަސައްކަތް ކުރަން ފެށީ ކޮންއިރަކު؟
ޖަވާބު: ތާތު މޭކަޕް ސްޓާޓްކުރީ މީގެ ދިހަ އަހަރު ކުރިން އެއީ 2015 ވަނަ އަހަރުގައި.
2. އަލަށް ސްޓާޓް ކުރިއިރު ދިމާވި އެންމެ ބޮޑު ޗެލެންޖަކީ ކޮބާ؟
ޖަވާބު: އެންމެ ފުރަތަމަ ވިޔަފާރި އުސޫލުން މިކަން ކުރަން ފެށިއިރު ވަރަށް ޗެލެންޖިން ކަމަކަށްވި އޮފިސް މާހައުލު ދޫކޮށްލާ ހުސް މިކަމަށް ހުސްވެ ފްރީލެންސާއެއްގެ ގޮތުގައި ހުންނަން ޖެހުން. އޭރު އެހާ ރެސްޕެކް ކުރާ ދާއިރާ އެއްނޫން މީކީ. ގިނަ މީހުން ގަބޫލުކުރާ ގޮތުގައި ހަމައެކަނި މޭކަޕް ކުރުމަކީ އާމްދަނީއެއް ހޯދަން އަދި އެހާ ރަނގަޅު މަސައްކަތަކަށް ވެގެނެއްނުދޭ. ނަމަވެސް، މިކަމަށް ހުރި ޝައުގެއްގެ ބޮޑުކަމުން މިކަމަށް ހުސްވެ މަޑުމަޑުން މިކަން ކުރަން ފެށުމުން މީހުން ދެކޭ ގޮތް ބަދަލުވެ މޭކަޕްއަކީ ކޮންމެހެންވެސް ކުރަންޖެހޭ އެއްޗަކަށްވެގެން ދިޔުމަކީ މިއަދު ތާތު ވަރަށް އުފާކުރާ ކަމެއް.
3. އަމިއްލަ ގޭގަތަ ނޫނީ ސްޓޫޑިއޯއެއްގައި ތަ މަސައްކަތް ކުރަނީ؟
ޖަވާބު: މޭކަޕް ކުރަނީ އަމިއްލަ ގޭގައި ކުޑަ ސްޓޫޑިއަކަށްވާ ގޮތަށް ރޫމް މޮޑިފައިކޮށްލައިގެން.
4. ގިނަ މީހުންނަށް ނޯމަލް ޕާޓީ މޭކަޕް އާ ބްރައިޑަލް މޭކަޕްގެ ތަފާތު ނޭނގޭކަން ފާހަގަވޭ. މީގެ ތަފާތު ކިޔާލަދެވިދާނެތަ؟
ޖަވާބު: ބްރައިޑަލް މޭކަޕް އަކީ ބްރައިޑްގެ ނެޗުރަލް ބިއުޓީ އިތުރަށް އެންހޭންސް ކޮށްލާ، ލުކްސް ލޯންގް ލާސްޓްވާނެހެން ފްލޯލެސް މޭކަޕްއެއް ކުރުން. ކައިވެނި ހަފްލާގައި އާންމުކޮށްހެން ބްރައިޑަށް ރޮވޭގޮތްވެ، އަދި ގިނަ ވަގުތު ކޮޅަށް ހުންނަން ޖެހުމުގެ ސަބަބުން ދާހިތްލާގޮތް ވޭ. އެހެންވީމަ ކަރުނަ އަޅަސް މޭކަޕް ހަޑިނުވާނެހެން ވޯޓާޕްރޫފްކޮށް މޭކަޕް ކޮށްދެނީ. ވަރަށް ސަމާލުކަމެއް އަދި ދޭން ޖެހޭ ފޮޓޯއަށާ ވީޑިއޯތަކަށްވެސް ރީތިވާނެހެން މޭކަޕްކުރަން. މި މޭކަޕަށް ގިނަ ވަގުތު ނަގާ ސަބަބަކީ މި ހުރިހާ ކަމަކަށް ފޯކަސް ކޮށްގެން އަވަސްއަރުވާ ނުލާ، ބްރައިޑް ހިތްހަމަ ޖެހޭނެހެން މޭކަޕް ކުރާތީވެ.
ޕާޓީ ނުވަތަ އިވެންޓްއާ ގުޅޭ ކަހަލަ އެވްރީޑޭ މޭކަޕްއަށް ނޯމަލް މޭކަޕް އޭ މިކިޔަނީ. އެހެންނަމަވެސް ކްލައިންޓް ބޭނުންނަމަ ލޯ އިތުރަށް ގްލެމް ކޮށްލަން ނުވަތަ ކުލަތައް އެޑްކޮށްގެން ރީތި ލުކްއެއް ގެނެވިދާނެ. ނޯމަލް މޭކަޕްއަކީ ކުޑަ ވަގުތުކޮޅެއްގެ ތެރޭގައި ކޮށްލެވޭ ކަހަލަ މޭކަޕްއެއް.
5. ހިޖާބް ސްޓައިލިިން ދަސްކުރީ ކިހިނެތް؟
ޖަވާބު: އަނެއްހެން ހިޖާބް ސްޓައިލް ދަސްކުރާކަށް ވަކި ކޯހެއް ނަހަދަން. ހިޖާބްއަކީ ބޭނުންގޮތަކަށް ސްޓައިލްކޮށްލެވޭ އެއްޗެއް. ކްލައިންޓް މިވެނި ގޮތަަކަށް ސްޓައިލްކޮށްލަދޭށޭ ބުނީމަ އެގޮތަކަށް އަޅުވާ ދެވޭތޯ ބަލަނީ.
6. ކްލައިންޓެއް މަސައްކަތާ ދޭތެރޭ ހިތްހަމަ ނުޖެހި ދިޔަ ތަ؟
ޖަަވާބު: އަބަދުވެސް ބަލަން ކޮލެޓީ މޭކަޕް އެއް ކޮންމެ ކްލައިންޓަކަށްވެސް ކޮށްދެވޭތޯ. އެއީ މޭކަޕް ފެށުމުގެ ކުރިން މަޝްވަރާކުރަން ގެންނަން ބޭނުންވާ ލުކް އެއް. އެހެންވީމާ ކްލައިންޓް ހިތްހަމަޖެހޭގޮތަށް މޭކަޕް ކޮށްދޭތީވެ ފަހުން ނެެގެޓިވް ފީޑްބެކްއެއް ނާދޭ.
7. މިހާރު މި އިންޑަސްޓްރީގައި މަސައްކަތްކުރާއިރު ދިމާވާ އެންމެ ބޮޑު ޗެލެންޖަކީ ކޮބާ؟
ޖަވާބު: އަބަދުވެސް ދިމާވާ ޗެލެންޖެއް ބޭނުންވާ ޕްރޮޑަކްޓް ފަސޭހައިން ރާއްޖެއިން ލިބެން ނެތުން. ކުއްލިއަކަށް އެއްޗެއް ހުސްވެގެން މިކޮޅުން ފަސޭހައިން ލިބެން ނެތުން އެއީ ވަރަށް އުނދަގޫ ކަމެއް.
8. މި މަސައްކަތް ރިކޮމެންޑް ކުރާނަންތަ އިންޓަރެސްޓެޑް ކުދިންނަށް؟
ޖަވާބު: ޔެސް، ބުނެލަން ބޭނުންވަނީ މީ ރަނގަޅު ދާއިރާއެކޭ ކުރިއަށް ދާން. ރާއްޖޭގަ ފުރުސަތު އެބައޮތް މި ދާއިރާއިން ކުރި އަރައިގެންދާން.
9. ތިގޮތަށް ކުރިއަށް ދާންތަ ބޭނުންވަނީ ނޫނީ އިތުރުކަމެއް ކުރުމުގެ ވިސްނުން އެބަހުރިތަ؟
ޖަވާބު: މި ދާއިރާއިން ކުރިއަށް ދާން ވިސްނުން ހުރީ.
10. ތާތު އެންމެ ވޯކް ކުރަން ބޭނުންވަނީ ކޮންކަހަލަ ޕްރޮޖެކްޓެއްގަ؟
ޖަވާބު: ވަރަށް ވޯކް ކޮށްލާ ހިތްވޭ ބްރައިޑަލް ފެއާއެއް ކަހަލަ ބިގް އިވެންޓެއްގައި.
