1. ފޮޓޯގްރަޕީގެ މަސައްކަތް ކުރަން ފެށީ ކޮންއިރަކު؟
ޖަވާބު: ސްކޫލްގައި އުޅުނު އިރުއްސުރެ އިންޓްރެސްޓް ހުރޭ ފޮޓޯގްރަފީއަށް. ވަރަށް ހަނދާންވޭ އޭރުވެސް ފިލްމް ލައްވައިގެން ފޮޓޯ ނަގަން އުޅުނު ހަނދާން. ދެން 2012 ހިސާބުގަ ޕްރޮފެޝަނަލް ކެމެރާއެއް. ގަނެގެން މިކަން ކުރަން ފެށީ.
2. ފުލް ޓައިމްކޮށްތަ މި މަސައްކަތް ކުރަނީ؟
ޖަވާބު: ނޫން. ޕާޓް ޓައިމްކޮށް. ސަރުކާރު ވަޒީފާ އަދާކުރަމުން ލިބޭ ހުސްވަގުތު އަދި ބަންދު ދުވަސްތަކުގައި ފޮޓޯ ނެގުމުގެ މަސައްކަތް ކުރަނީ.
3. އެންމެ އިންޓްރެސްޓް ހުންނަނީ ކޮންކަަހަލަ ފޮޓޯގްރަފީއަކަށް؟
ޖަވާބު: އަސްލު އެންމެ އިންޓްރެސްޓް ހުންނަނީ ސްޕޯޓްސް ކާރު، ސައިކަލު ކަހަލަ ފޮޓޯ ނަގަން. އެކަމު އެކަހަލަ ޝޫޓަކީ ހޮބީ ގޮތަށް ނަގާ ޝޫޓްސް. އާމްދަނީ ލިބޭ ގޮތަށް އެންމެ ނަގާ ހިތްވަނީ ކުޑަކުދިންގެ ޝޫޓް. ސަބަބަކީ ކުޑަކުދިންގެ ފޮޓޯ ނެގުމަކީ ވަރަށް ކެތްތެރިވެގެން ކުރަން ޖެހޭ ކަމަކަށްވެފައި އެ ކުދިންނާއި އެކީ އޯވަރޯލް އެކްޕީރިއަންސް ފަން ވީމާ. މީގެ އިތުރަށް ވެޑިންގް ފޮޓޯގްރަފީ އަދި ޕްރޮޑަކްޓް ފޮޓޯގްރަފީއަށް ވެސް ވަރަށް އަސްލު އިންޓްރެސްޓް ހުރޭ
4. އެންމެ ކޮންފިޑެންޓް ވަނީ ކޮން ކަހަލަ ފޮޓޯގްރަފީއަަކަށް؟
ޖަވާބު: އަސްލު ހުރިހާ ފޮޓޯގްރަފީއަކަށްވެސް ކޮންފިޑެންޓް. އައި ބިލީވް އިން މައިސެލްފް. އަބަދުވެސް އާ ކަންކަމާ ނިއު އައިޑިއާ އެކްސްޕޯ ކުރަން ބޭނުންވޭ.
5. އެންމެ މެމޮރަބަލް ޝޫޓަކީ ކޮބާ؟
ޖަވާބު: މެމޮރަބަލް ވަރަށް ގިނަ ޝޫޓްތައް އެބަހުރި. އެންމެ މެމޮރަބަލް އޭ ބުނާނީ ދަރިފުޅަށް 1 އަހަރުވީ އިރު މިލްކް ބާތް އަށް ލެމަން އަޅާފަ ނެގި ޝޫޓް އެއް. ވަރަށް ފަން އެކްސްޕީރިއަންސްއެއް އަދި ވަރަށް ހިތް ހަމަ ޖެހުނު ފޮޓޯ ނެގުނު ދުވަހެއް.
6. މިހާތަނަށް ޝޫޓްކުރި އެންމެ ޗެލެންޖިންގް ޝޫޓަކީ ކޮބާ؟
ޖަވާބު: ވަރަށް ވިއްސާރަވެފައި އޮއްވާ ކަޕްލްއެއްގެ މެޓާނިޓީ ޝޫޓެއް ނަގާ ދިނިން. އެ ކަޕްލް އަނެއް ދުވަހު ރަށަށް ފުރާތީ އިތުރަށް ލަސްކުރެވެން ނެތީމަ އެ ދުވަހު ވަރަށް ކުޑަ ވަގުތުކޮޅެއްގެ ތެރޭގައި ފޮޓޯ ނަގަން ޖެހުނީ. އެކަމު ٱلْحَمْدُ لِلَّٰهِ، ވަރަށް ހިތްހަަމަ ޖެހޭ ފޮޓޯ ނެގިފަ ހުރި. ކްލައިންޓް ވެސް ހުރީ ވަަރަށް ހިތްހަމަޖެހިފައި.
7. ބޭނުންވަނީ ކޮން ކަހަލަ ފޮޓޯތަކެއްކަން ބުނެދޭން ނޭނގޭ ނުވަތަ ޑިސައިޑް ކުރަން ނޭނގޭ ކްލައިންޓްއަށް އެހީވަނީ ކިހިނެތް؟
ޖަވާބު: އެމީހުންނާ ވާހަކަ ދައްކާ، އެމީހުންގެ އެކްޕެކްޓޭޝަން ނުވަަތަ ފޮޓޯ ނަގަން ބޭނުންވާ ގޮތެއް ހުރިތޯ ބަލާ. އެކަމާ ގުޅޭ އައިޑިއާސް ދައްކައިގެން. މިގޮތަށް ކުރިން ނަގާފަ ހުރި ފޮޓޯ އަދި ޕިންޓްރެސްޓް އައިޑިއާސް ދައްކައިގެން މިއުޗުއަލް އަންޑަސްޓޭންޑިންއަކަށް އަންނަނީ.
8. މި ދާއިރާގެ އެންމެ ޗެލެންޖިން ކަމަކީ ކޮބާ؟
ޖަވާބު: އަސްލު އެންމެ ޗެލެންޖިން ވަނީ، މިކަމަށް ބޭނުންވާ އިކުއިޕްމެންޓްސް ނުލިބޭތީ މާލެއިން. އަދި ލިބެން ހުންނަ މަދު އެއްޗެހި ވެސް އެހާ އަގުބޮޑުވެފައި އަގަށް ވޯތް ނުވާތީ. ދެން ބައެއް ފަހަރު ކްލައިންޓަށް ފީލްވޭ ޝޫޓްސް މާއަގުބޮޑުކޮށޭ ނަގައިދެނީ. އެކަމު ޝޫޓެއް ނަގަން ހޭދަވާ ވަގުތު ނުލާ، ބެކްއެންޑްގައި ކުރާ މަސައްކަތް ނުފެންނާތީ ކަންނޭގެ އަސްލު އެހެން ހީވަނީ. ފޮޓޯ ޝޫޓެއް ނެގުމުން ފެށިގެން ސިލެކްޝަން އެޑިޓިން އަދި އެހެން ހުރިހާ ކަމެއް ކޮށްނިމިގެން ފޮޓޯ ހަވާލުކުރުމާ ހަަމައަށް އަސްލު ވަރަށް ގިނަ މަސައްކަތް އެއީ.
9. ކްލައިންޓް ފީޑްބެކް އަންނަނީ ކިހިނެތް؟ ނެގެޓިވްކޮށް އާދޭތަ؟
ޖަވާބު؛ އެއްވެސް ވަރަަަކަށް ނާދެއޭ ނުބުނެވޭނެ. އާންމުކޮށް މިހާތަނަށް ލިބިފައި ހުރީ ގިނައިން ޕޮސިޓިވް ކޮމެންޓްސް. އަސްލު އެކަމަށް އިނަފް ޓައިމް ދީގެން ކުރާހިތުން ކުރާތީވެ ކަންނޭގެ އެހެންވަނީ. މަދު ފަހަރަކު އެޑިޓިންގް އެއްޗެއް ކަމުނުގޮސް ނުވަތަ ބަދަލުކޮށް ދޭން އެދުނީމަ ކޮށްދެން. އެެހެންވީމަ ފައިނަލްވެ ނިމޭއިރު ކްލައިންޓްސް ހުންނަނީ ވަރަށް ހިތްހަމަޖެހިފައި އަދި ޕޮސިޓިވް ކޮށް ކޮމެންޓްސް ދޭނީ ގިނައިން.
10. ވީޑިއޯ ވެސް ނަގައިދެންތަ؟
ޖަވާބު: ވީޑިއޯ އަދި މި ނަގަން ފެށީ އަސްލު. ސޯ އަދި ޕްރޮފެޝަނަލް ލެވަލްއެއްގައި ނަގަމެކޭ ނުބުނެވޭނެ. އެކަމަކު ކުރިއަށް އޮތްތާގައި ނަގާނަން.
