ބޮލީވުޑް ފިލްމުތަކުގައިވެސް މަސައްކަތް ކޮށްފައިވާ ޕާކިސްތާންގެ މަޝްހޫރު ބަތަލާ މާހިރާ ޚާން އަލުން ކައިވެނިކޮށްފި އެވެ.

މާހިރާ އާއި ޕާކިސްތާނުގެ ވިޔަފާރިވެރިޔާ ސަލީމް ކަރީމު ކައިވެނިކޮށްފައިވަނީ މިދިޔަ އާދިއްތަ ދުވަހު އެވެ. އެމީހުންގެ ކައިވެނި ހަފްލާ ވަރަށް ކުލަ ގަދަކޮށް ވަނީ ބާވާފަ އެވެ. އެ ހަފުލާގެ ވީޑިއޯތަކެއް ސޯޝަލް މީޑިއާގައި އާންމުވެފައިވެ އެވެ.

މާހިރާ އާއި ސަލީމް ކައިވެނިކޮށްފައި މި ވަނީ އެ މީހުން ވަރަށް އަވަހަށް ކައިވެނިނުކުރާނެ ކަމަށް މިދިޔަ އޮގަސްޓް މަހު މީޑިއާތަކުން ރިޕޯޓްކޮށްފައި ވަނިކޮށެވެ.

މާހިރާ މީގެ ކުރިންވެސް ވަނީ ކައިވެންޏެއް ކޮށްފަ އެވެ. 2007 ވަނަ އަހަރު މާހިރާ އާއި އަލީ އަސްގަރީގެ ކައިވެނިކޮށްފައިވާއިރު އެކައިވެނި ރޫޅުނީ 2015 ވަނަ އަހަރު އެވެ. އޭރު އެމީހުންނަށް ވަނީ ފިރިހެން ކުއްޖަކު ވެސް ލިބިފައިވެ އެވެ.

މާހިރާގެ އާ ފިރިމީހާ ސަލީމަކީ ޕާކިސްތާންގެ ސްޓާޓަޕެއް ކަމަށްވާ ސިމްޕައިސާގެ ސީއީއޯ އެވެ.

ބޮލީވުޑްގެ މަޝްހޫރު ތަރި ޝާހްރުކް ޚާންގެ 2016 ގެ ފިލްމު "ރައީސް" ގެ ބަތަލާގެ ރޯލު ކުޅުނު މާހިރާގެ އެންމެ ފަހުގެ ފިލްމަކީ ޕާކިސްތާންގެ މަޝްހޫރު އެކްޓަރު ފަވާދު ޚާނާ އެކީ ކުޅުނު މިދިޔަ އަހަރު "ދަ ލެޖެންޑް އޮފް މައުލާ ޖަޓް" އެވެ. އެ ދެ ތަރިންނަކީ އާންމުންގެ މެދުގައި ވަރަށް ބޮޑު މަގުބޫލު ކަމެއް ހޯދި ސިލްސިލާ "ހަމްސަފަރު" ގެ ވެސް ދެ ތަރިންނެވެ.

މާހިރާގެ ކުރިއަށް އޮތް ފިލްމަކީ "ނީލޯފަރް" އެވެ.