ގަދަރް 2 އަށް ލިބުނު ކާމިޔާބަށްފަހު އެ ފިލްމުގެ ލީޑު ރޯލުން ފެނިގެންދިޔަ ސަނީ ޑިއޯލް މިވަނީ ބޮލީވުޑްގެ ރިއަލިޓީ ޓޯކް ޝޯ ކޮފީ ވިތު ކަރަންގައި ބައިވެރިވެފަ އެވެ.

އެ ޝޯގައި އޭނާވަނީ ބޮލީވުޑްގެ ނަންކިޔާ މަޝްހޫރު ފަންނާނުންނާއެކު އޭނާ ބާއްވާ ގުޅުމާއި އާއިލީ ބައެއް ގުޅުންތަކާ ބެހޭ ގޮތުން ވެސް ވާހަކަ ދައްކާފަ އެވެ.

ސަނީ ބުނީ ބޮލީވުޑްގެ ޚާނުންނަކީ އޭނާ މާ ގަޔާވާ ބައެއް ނޫން ކަމަށެވެ. އެގޮތުން ޝާހްރުކް ޚާންއަކީ ގަދައަޅާ މަސައްކަތްކުރާ އެކްޓަރެއް ނަމަވެސް އެހެން އެކްޓަރުންނަށް އިހުތިރާމް ކުރާ ފަރާތެއް ނޫން ކަމަށް ޝާހް ބުންޏެވެ.

ސަނީ ވަނީ ޝާހްރުކް ޚާންއާއެކު 90ގެ އަހަރުތަކުގައި މަޝްހޫރުވި ފިލްމެއް ކަމަށްވާ "ޑަރް"ގައި މަސައްކަތް ކޮށްފަ އެވެ. އޭގެ ފަހުން އެ ދެތަރިންގެ މެދުގައި މައްސަލަ ޖެހުނެވެ.

އޭގެ އިތުރުން ވެސް ސަނީ ބުނެފައިވަނީ ސަލްމާންއަކީ ހުނަރުވެރި މީހެއް ކަމަށާއި އެހެން ނަމަވެސް ހުރިހާ އެންމެެންނަކީ ބޮޑީ ބިލްޑަރުންނަށް ހަދަން އޭނާ ބޭނުންވާ ކަމަށެވެ.

ސަނީއާއެކު ކޮފީ ވިތު ކަރަންގައި ބައިވެރިވީ އޭނާގެ އެއްބަނޑުއެއްބަފާ ކޮއްކޮ ބޮބީ ޑިއޯލް އެވެ.