ކަރަން ޖޯހަރުގެ ފިލްމު "ބޭދަޑަކް"އިން ބޮލީވުޑަށް ތައާރަފްވާން ތައްޔާރު ވަމުން އަންނަ ޝަނާޔާ ކަޕޫރު، ރާއްޖޭގައި އޭނާގެ އުފަން ދުވަސް ފާހަގަ ކުރަމުން އެބަދެ އެވެ.

މިދިޔަ ބުރާސްފަތި ދުވަހު 24 އަހަރު ފުރުނު ޝަނާޔާ ވަނީ ބޮލީވުޑްގެ ތަރިންނާއެކު މުމްބާއީގައި ވެސް އުފަން ދުވަސް ފާހަގަ ކޮށްފަ އެވެ. އޭނާ ރާއްޖެއަށް އައީ އޭގެ ފަހުންނެވެ.

ފުށިފަރު މޯލްޑިވްސް ރިސޯޓުގައި ޗުއްޓީ ހޭދަކުރަމުންދާ ޝަނާޔާ އަންނަނީ އޭނާގެ ޗުއްޓީގެ ފޮޓޯތައް ސޯޝަލް މީޑިއާގައި ހިއްސާ ކުރަމުންނެވެ.

އޭގެ ތެރެއިން އެއް ފޮޓޯގައި ޝަނާޔާ ކަނޑިއަކުން ކޭކެއް ފަޅަން ހުއްޓާ ފެނެ އެވެ. އެ ފޮޓޯއަށް ކޮމެންޓް ކުރަމުން ޝަނާޔާގެ ބައްޕަ ސަންޖޭ ކަޕޫރު ބުނީ ކުޑަ ވަޅިއަކުން ވެސް ކޭކު ފެޅޭނެ ކަމަށެވެ.

ބޮލީވުޑަށް ތައާރަފް ވުމުގެ ކުރިން ޝަނާޔާ ވަނީ ޕޭން އިންޑިއާ ފިލްމެއް ވެސް ކުޅެފަ އެވެ. އެ ފިލްމު ނެރޭނީ އަންނަ އަހަރުގެ ކުރީކޮޅު އެވެ.