ބޮލީވުޑްގެ ނަން މަޝްޙޫރު ބަތަލާ ސްރީދޭވީގެ ދަރިފުޅު ޖާންވީ ކަޕޫރުއަކީ މިހާރު ބޮލީވުޑްގައި އަރަމުން އަންނަ ތަރިއެކެވެ. ޖާންވީ ބޮލީވުޑްއަށް ތައާރަފް ވެފައި ވަނީ 2018 ވަނަ އަހަރު ފިލްމް "ދަޑަކް" އިންނެވެ.

2018 ވަނަ އަހަރު ފެޝަން ބްރޭންޑް އަކަށް ރިކޯޑްކުރި ވީޑިއޯއެއްގައި ޖާންވީ ވަނީ އޭނާގެ ފުރަތަމަ މުސާރައިން އޭނާ ކުރީ ކީއްކަން ހާމަކޮށްފަ އެވެ.

އެގޮތުން ޖާންވީ ކަޕޫރު ބުނީ މިހާރު މާ ރަނގަޅަށް ސީދާ ހަނދާން ނެތް ކަމަށާއި ހީވާ ގޮތުގައި އޭނާ އޭނާގެ ފުރަތަމަ މުސާރައިން ގަތީ ލަންޑަން ނޫނީ ނިއުޔޯކްއަށް ދާން ޓިކެޓް ކަމަށެވެ.

އެ ވީޑިއޯ ގައި ޖާންވީ ކަޕޫރު އިތުރަށް ވަނީ އޭނާ ޑޭޓަކަށް ދާނަމަ ހެދުން އަޅަން އެންމެ ބޭނުންވާ ގޮތް ވެސް ހާމަކޮށްފަ އެވެ. އެގޮތުން ޖާންވީ ބޭނުންވަނީ ރީތި އާދައިގެ ގަޔަށް ފިޓް ކަޅު ހެދުމަކާއި ސްނީކާސް އެއް އެ ދުވަހަކުން ލާންށެވެ.

ޖާންވީ ކަޕޫރު ގެ މަސައްކަތްތަކަށް ބަލާލާއިރު އެންމެ ފަހުން އޭނާ ފެނިގެން ގޮސްފައިވަނީ "މިލީ" ފިލަމުންނެވެ.