މިހާރު ކުރިއަށްދާ ކަރަން ޖޯހަރުގެ ޓޯކް ޝޯ "ކޮފީ ވިތު ކަރަން"ގެ ފަސްވަނަ އެޕިސޯޑުގެ މެހެމާނުންގެ ގޮތުގައި ސިދްހާތު މަހްހޯތުރާއާއި ވަރުން ދަވަން އިއުލާން ކޮށްފި އެވެ.

މި ދެތަރިން ފެންނަ އެޕިސޯޑުގެ ޓްރެއިލާ މިހާރު އާއްމުކޮށްފައިވާއިރު އެ ޓްރެއިލާގެ ތެރެއިން ދެ ތަރިން ވެސް އެކަކު އަނެކަކާ ބެހޭ ސަކަ ވާހަކަތައް ދައްކަ އެވެ.

ޝޯގެ މެހެމާނުން ތައާރަފް ކޮށްދެމުން ކަރަން ބުނެފައިވަނީ ސިދްހާތުއާއި ވަރުންއަކީ ކޮންމެ އަންހެން ކުއްޖަކު ވެސް ބޭނުންވާ ކަހަލަ ފިރިން ކަމަށެވެ.

ސިދްހާތުއާއި ވަރުންއަކީ އެކުގައި އެއް ފިލްމަކުން ބޮލީވުޑަށް ތައާރަފްވި ދެ ތަރިންނެވެ. 2012 ވަނަ އަހަރު ނުކުތް "ސްޓޫޑަންޓް އޮފް ދަ އިޔާ"ގައި ދެން ފެނިގެން ދިޔައީ އާލިއާ ބަޓް އެވެ.

އޭގެ ފަހުން ހަމަ އެއަަހަރު ކުރިއަށް ގެންދިޔަ ކޮފީ ވިތު ކަރަންގެ ސީޒަންގައި ވެސް އެދެތަރިން އެކުގައި ބައިވެރިވެފައިވެ އެވެ. އެހެން ކަމުން މިއީ ގާތްގަނޑަކަށް ދިހަ އަހަރަށްފަހު އެ ދެތަރިންގެ "ރީޔޫނިއަން" އެކެވެ.

ސިދްހާތުއާއި ވަރުންގެ އިތުރުން ސްޓޫޑަންޓް އޮފް ދަ އިޔާގެ އާލިއާ ވެސް މިފަހަރުގެ ކޮފީ ވިތު ކަރަންއިން ފެނިގެންދިޔަ އެވެ. އޭނާ އައީ ފަހަރި ކަރީނާ ކަޕޫރު ކާންއާ އެކުގަ އެވެ.