ބޮލީވުޑްގެ މެގަސްޓާ އަމީތާބް ބައްޗަންގެ ގެ އޭނާގެ އަންހެން ދަރިފުޅު ޝްވެތާ ބައްޗަން ނަންދާއަށް ދޭން އުޅޭ ކަމަށް ހަބަރުތައް ބުނެފި އެވެ.

މުމްބާއީގެ ޖުހޫގައި ހުންނަ "ޕްރަތީކްޝާ" ނަމަކަށް ކިޔާ އެ ބަންގްލާއަކީ އަމީތާބްގެ ގެތަކުގެ ތެރެއިން އެންމެ އަގުބޮޑު އެއް ގެއެވެ. ހަބަރުތައް ބުނާ ގޮތުގައި އެގޭގެ އަގު 50 ކްރޯޑަށް އަރަ އެވެ.

މީގެ ކުރިން އަމީތާބުއާއި އޭނާގެ އަންހެނުން ޖާޔާ ބައްޗަންގެ ނަމުގައި ހުރި އެ ގެ ޝްވެތާގެ ނަން މައްޗަށް ބަދަލުކޮށްފައިވަނީ މި މަހުގެ 8 ވަނަ ދުވަހު ކަމަށް ހަބަރުތައް ބުނެ އެވެ.

ބުނެވޭ ގޮތުގައި އެ ގެއަކީ އަމީތާބު އޭނާގެ މައިންބަފައިންނާއަކު މީގެ އަހަރުތަކެއް ކުރިން އުޅުނު ގެއެވެ. މިހާރު އޭނާ އުޅެމުން އަންނަނީ މުމްބާއީގެ "ޖަލްސާ" ނަމަކަށް ކިޔާ ގޭގަ އެވެ.

"ޕްރިތީކްޝާ"އަކީ އަމީތާބްގެ ފިރިހެން ދަރި އަބީޝޭކް ބައްޗަންއާއި އޭނާގެ އަންހެނުން އައިޝްވާރްޔާ ރާއީގެ ކައިވެނީގެ ހަފްލާ 2007 ވަނަ އަހަރު ކުރިއަށް ގެންދިޔަ ތަނެވެ.

ޕްރަތީކްޝާ ޝްވެތާއަށް ހަދިޔާކުރި ނަމަވެސް އެކަން ރަސްމީ ގޮތުން އަމީތާބު ނުވަތަ ޝުވެތާ ވެސް ޔަގީން ކޮށްދީފައެއް ނުވެ އެވެ.