ބޮލީވުޑްގައި ކުރިއަށް ދިއުމަށްޓަކައި އެ ދާއިރާގައި މިހާރު ހަރަކާތްތެރިވާ އާއިލާގެ އެއްވެސް މެމްބަރެއްގެ ފަރާތުން އެހީއެއް ލިބިފައިނުވާ ކަމަށް މީރާ ޗޯޕްރާ ބުނެފި އެވެ.

2020 ވަނަ އަހަރު ނުކުތް "1920: ލަންޑަން"އިން ބޮލީވުޑަށް ތައާރަފްވި މީރާ ޗޯޕްރާއަކީ ޕްރިޔަންކާ ޗޯޕްރާއާއި ޕަރިނީތީ ޗޯޕްރާގެ ދެބެންގެ ދެދަރި ފަންނާނެކެވެ.

ވަރަށް ފަހުން މީރާ މިވަނީ އޭނާއާއި އޭނާގެ ދައްތަމެންނާ ދެމެދު އޮންނަ ގުޅުމާ ބެހޭ ގޮތުން ފުރަތަމަ ފަހަރަށް މީޑިއާއަށް އިންޓަވިއުއެއް ދީފަ އެވެ.

އެގޮތުން މީރާ ބުނީ އެ އެމީހުންގެ މެދުގައި އަހްވަންތަ ގުޅުމެއް ނޯންނަ ކަމަށާއި ބޮލީވުޑަށް ތައާރަފްވި އިރުވެސް އެއްވެސް ކަހަލަ އެހީއެއް ނުލިބޭ ކަމަށެވެ.

ޅައުމުރުގައި ޕްރިޔަންކާ އަދި ޕަރިނީތީއާއެކު ވެސް ގިނަ ވަގުތުތަކެއް ހޭދަކުރެވުނު ކަމަށާއި އެހެން ނަމަވެސް އަހަރުތަކުގެ ތެރޭގައި އެ ގުޅުން އެއްކޮށް ބަދަލުވެފައިވާ ކަމަށް މީރާ ބުންޏެވެ.

ޕްރިޔަންކާ ބޮލީވުޑް ދޫކޮށް ހޮލީވުޑްގެ މަސައްކަތްތައް ކުރާއިރު ޕަރިނީތީ ވަނީ ވަރަށް ފަހުން ކައިވެނިކޮށް ފިލްމީ މަސައްކަތްތަކުން ބްރޭކެއް ނަގާފަ އެވެ.