ގާތްގަނޑަކަށް 10 އަހަރު ފަހުން ބޮލީވުޑްގެ އެންމެ މަޝްހޫރު ތަރިން ކަމަށްވާ ޝާހްރުކް ޚާން، ސަލްމާން ޚާން އަދި އާމިރު ޚާން އެކުގައި ފެނުމުގެ ފުރުސަތު ހުޅުވިއްޖެ އެވެ.

މި ތިން ތަރިން އެކުގައި ފެންނާނެ ކަމަށް ބެލެވެނީ މި މަހުގެ 13 ވަނަ ދުވަހު އޮންނަ އާމިރު ޚާންގެ ދަރިފުޅު އިރާ ޚާންގެ ކައިވެނީގެ ހަފްލާގަ އެވެ.

ހަބަރުތައް ބުނާ ގޮތުގައި އާމިރު ޚާން ވަނީ ސަލްމާންއާއި ޝާހްރުކްއަށް އެ ހަފްލާގެ ދައުވަތު ފޮނުވާފަ އެވެ. އެހެން ކަމުން އެ ހަފްލާގެ ތެރެއިން މި ތިން ތަރިން އެކުގައި ފެނުން ވަރަށް ގާތެވެ.

ޝާހްރުކްއާއި ސަލްމާންގެ އިތުރުން ވެސް ދައުވަތު ލިބިފައިވާ ފަރާތްތަކުގެ ތެރޭގައި ބައްޗަން އާއިލާއާއި މަހުޖަނު އަމްބާނީ އާއިލާ ހިމެނެ އެވެ.

ޝާހްރުކް، ސަލްމާން އަދި އާމިރު އެންމެ ފަހުން އެކުގައި ފެނިފައިވަނީ އިންޑިއާގެ ޓޯކް ޝޯ އާޕްކީ އަދާލަތުގެ 21 ވަނަ އަހަރީ ދުވަހު 2014 ވަނަ އަހަރުގެ ޑިސެމްބަރު ހަތެއްގަ އެވެ.