ކުރީގެ ރައީސް ޑރ. މުހައްމަދު ވަހީދުގެ ބައްޕާފުޅު ހަނދުވަރު ހަސަން އިބްރާހިމް 92، މިއަދު އަވަހާރަވެއްޖެ އެވެ.

ޑރ. ވަޙީދުގެ ބައްޕަ ހަނދުވަރު ޙަސަން މަނިކު އަވަހާރަވެފައި ވަނީ، އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗު)ގައި، ފަރުވާ ހޯއްދަވަނިކޮށް މިއަދު ހެނދުނު 10.15 ގައި ކަމަށް އާއިލާއިން ބުނެފައިވެ އެވެ.

ޑރ. ވަހީދު ކުރެއްވި ޓުވީޓެއްގައި ވިދާޅުވީ ބައްޕާފުޅަކީ 50 އަހަރުވަންދެން ގައުމަށް ޚިދުމަތްކުރެއްވި ބޭފުޅެއް ކަމަށެވެ. އަދި ނާސިރުގެ ވެރިކަމުން ފެށިގެން ގައުމަށް ހިދުމަތް ކުރެއްވި ކަމަށް ވެސް އެމަނިކުފާނު ވިދާޅުވި އެވެ.