ހދ. ނޮޅިވަރަންފަރުގައި ފަތުރުވެރިއަކަށް ޖިންސީ ގޯނާ ކުރި ކަމުގެ ތުހުމަތުގައި ދިވެހި ފިރިހެނަކު ހައްޔަރުކޮށްފި އެވެ.

ފުލުހުން މިރޭ ބުނީ ނޮޅިވަރަންފަރުގައި ފަތުރުވެރިންނަށް ހާއްސަ ކުރެވިފައިވާ ބީޗެއްގައި އިންދާ ފަތުރުވެރިއަކަށް ޖިންސީ ގޯނާ ކުރި މައްސަލައެއް 20 ޖެނުއަރީގައި ފުލުހުންނަށް ރިޕޯޓްކޮށްފައިވާ ކަމަށެވެ.

މި މައްސަލައާ ގުޅިގެން އުމުރުން 30 އަހަރުގެ ދިވެހި ފިރިހެނަކު ކޯޓު އަމުރެއްގެ ދަށުން ހައްޔަރުކޮށްފައިވާ ކަމަށް ފުލުހުން ބުންޏެވެ.

ހައްޔަރުކުރި މީހާގެ އިތުރު ތަފްސީލް ފުލުހުން ހާމައެއް ނުކުރެ އެވެ.

ފުލުހުން ބުނީ އެ މައްސަލަ ތަހުގީގު ކުރަމުންދާ ކަމަށެވެ.

ނިމިދިޔަ 2024 ވަނަ އަހަރު މުޅި ރާއްޖެއިން ޖިންސީ ގޯނާގެ ޖުމްލަ 314 މައްސަލަ ރިޕޯޓްކޮށްފައިވާ އިރު، ފަތުރުވެރިންނަށް ޖިންސީ ގޯނާ ކުރުމުގެ މައްސަލަތައް ވަރަށް މަދުކަން ފާހަގަކޮށްލެވެ އެވެ.