ޓޫރިޒަމް ނަމްބަރުތައް ދައްކަނީ ގޯސްކޮށް!
މެންޓަލް ހެލްތަށް އަމާޒުކޮށްގެން އަމްފާ އިން ވެބިނާރެއް
އެލްޖީއޭގެ ބަޖެޓަށް ވުރެ އިތުރަށް 13 މިލިއަން ރުފިޔާ ހަރަދުކުރި
އެތައް އަހަރަކަށް ފަހު ކުރީގެ ރައީސް އަބްދުﷲ ޔާމީން އައްޑު އަތޮޅަށް މިއަދު ހަވީރު ވަޑައިގެންނެވުމުން އެމަނިކުފާނު ވެރިކަމުގައި ހުންނެވި ދުވަސްވަރު ވެސް ނުކިޔާ ވަރުގެ ހޫނު މަރުހަބާއެއް މިފަހަރު ކިޔައިފި އެވެ.
ގަން އިންޓަނޭޝަނަލް އެއާޕޯޓަށް އެ މަނިކުފާނު ފައިބާ ވަޑައިގެންނެވި ވަގުތު އައްޑޫގެ ގުޅިފައިވާ ރަށްތަކުން އެތައް ސަތޭކަ ސަޕޯޓަރުން މަރުހަބާ ދެންނެވުމަށް އެއާޕޯޓަށް ޖަމާވެފައި ތިއްބެވެ. ވީއައިޕީއިން ނުކުމެވަޑައިގެންނެވުމުގެ ފުރުސަތު ނުދީ އާއްމުން ނުކުންނަ ގޭޓުން އެމަނިކުފާނު ނުކުމެވަޑައިގަތުމުން ސަލާމް ކުރުމަށް އެތައް ސަތޭކަ ބަޔަކު ވަށައިލި އެވެ.
އެއާޕޯޓަށް ޖަމާވެފައި ތިބި އެތައް ސަތޭކަ ސަޕޯޓަރުންނާ ވަކިވަކިން ސަލާމްކުރެއްވުމަށް ގިނަ ވަގުތުތަކެއް ރައީސް ޔާމީން އެއާޕޯޓުގައި ހޭދަކުރެއްވި އެވެ.
އެތަނުގައި ހުރި މީހަކު "ހުރިހާ"އަށް ބުނީ އައްޑޫން ރައީސް ޔާމީނަށް މިއަދު ކިޔާފައި ވަނީ އެމަނިކުފާނުގެ ވެރިކަމުގައި ނުކިޔާވަރުގެ ހޫނު މަރުހަބާއެއް ކަމަށެވެ. އަދި އެ މަންޒަރު ފެނިފައި ޕީއެންސީގެ އިސްވެރިންނަށް ހަޖަމުނުވެގެން އުޅޭ ތަން ފެންނަ ކަމަށް ވެސް އޭނާ ބުންޏެވެ.
"މިއަދު ފެނިގެން މިދިޔައީ ރައީސް ޔާމީނަށް މި އަތޮޅުން ތާއީދުކުރަނީ ރައީސްގެ މަގާމުގައި ހުރެގެން އެކަނި ނޫންކަން. މި އަތޮޅުން އެކަކަށް އެންމެ ބޮޑު ތާއީދު ބޮޑު ލީޑަރަކީ ރައީސް ޔާމީންކަން މި ސާބިތު ވަނީ،" އެ މީހާ ބުންޏެވެ.
ރައީސް ޔާމީން އައްޑުއަށް ކުރައްވާ މި ދަތުރުފުޅުގައި ޕީއެންއެފްގެ ޓައުންހޯލް ޖަލްސާތަކެއް އައްޑޫގައި ބާއްވަން ހަމަޖެހިފައިވެ އެވެ. އަދި އެ ޕާޓީގެ އޮފީސްތަކެއް ވެސް ބައެއް އަވަށްތަކުގައި ހުޅުވަން ހަމަޖެހިފައިވެ އެވެ.
ރައީސް ޔާމީން މި މަހުގެ 9 އާ ހަމައަށް އައްޑު އަށް ކުރައްވާ މި ދަތުރުގައި އައްޑޫ އެހެން ރަށްތަކާ ވަކިން އޮންނަ ހުޅުދު އާއި މީދު އަށް ވެސް ޒިޔާރަތް ކުރައްވައި ސަޕޯޓަރުންނާ ބަައްދަލުކުރައްވާނެ އެވެ.
ރައީސް ޔާމީން މިދިޔަ އޮގަސްޓް މަހުގެ މަހުގެ 25 ވަނަ ދުވަހު ފުވައްމުލަކަށް ވެސް ވަޑައިގެން އެ ރަށުގެ ސަޕޯޓަރުންނާ ބައްދަލުކުރައްވައިފަ އެވެ. މި ދަތުރުފުޅުގައި އެ ރަށުން ވެސް އެމަނިކުފާނަށް ހޫނު މަރުހަބާއެއް ކިޔާފައިވެ އެވެ.
