ރިޔާސީ އިންތިހާބު އޮންނާނީ އަންނަ ސެޕްޓެމްބަރު މަހުގެ ކުރީކޮޅު ކަމަށް އިލެކްޝަންސް ކޮމިޝަނުން ބުނެފި އެވެ.

އިލެކްޝަންސް ކޮމިޝަނުގެ ނައިބު ރައީސް އިސްމާއީލް ހަބީބު ވިދާޅުވީ ސެޕްޓެމްބަރު މަހުގެ ކުރީކޮޅު އިންތިހާބު ބާއްވަން ނިންމާފައި ވަނީ ސެޕްޓެމްބަރު މަހުގެ ކުރީކޮޅު ކަމަށެވެ. އަދި އިންތިހާބު ބާއްވާ ތާރީހު މި މަހުގެ 15 ވަނަ ދުވަހު އިއުލާން ކުރާނެ ކަމަށް ވެސް އޭނާ ވިދާޅުވި އެވެ.

އޭނާ ވިދާޅުވީ އިންތިހާބުގެ ރަސްމީ ތާރީހު އިއުލާން ކުރާނީ ދެވަނަ ބުރެއް ބާއްވަން ޖެހިއްޖެނަމަ އެކަމަށް ވެސް ވަގުތު ލިބޭގޮތަށް ކަމަށެވެ.

ގާނޫނު އަސާސީގައި ބަޔާންކޮށްފައިވާގޮތުން 50 ޕަސެންޓަށް ވުރެ އިތުރަށް އެއްޕަސެންޓް ވޯޓު އެއްވެސް ކެންޑިޑޭޓަކަށް ނުލިބޭނަމަ އިންތިހާބުގެ ދެވަނަ ބުރެއް ބާއްވަން ޖެހެ އެވެ.

ރިޔާސީ އިންތިހާބުގައި ޕީޕީއެމްގެ ފަރާތުން ވާދަކުރައްވާ ކުރީގެ ރައީސް އަބްދުﷲ ޔާމީން އަބްދުލް ގައްޔޫމް 11 އަހަރަށް ޖަލަށްލާން ދާދިފަހުން ކްރިމިނަލް ކޯޓުން ވަނީ ހުކުމް ކޮށްފަ އެވެ.

ވެރިކަންކުރާ އެމްޑީޕީގެ ރިޔާސީ ޕްރައިމަރީ މި މަހުގެ ތެރޭގައި ބާއްވަން ވަނީ ނިންމާފަ އެވެ.