ހުޅުމާލޭ ދެވަނަ ފިޔަވަހީގައި އިއްޔެ ހިނގި ނުރައްކާތެރި އެކްސިޑެންޓެއްގައި އަނިޔާވި ދެބަފައިންގެ ތެރެއިން، ބައްޕަގެ އުންމީދު ކަނޑާލައިފި އެވެ.

މާލެ ސިޓީ ކައުންސިލްގެ ހުޅުމާލޭ އުތުރު ދާއިރާގެ މެމްބަރު ފާތުމަތު ޒަހިއްޔާ މައުލޫމާތު ދެއްވި ގޮތުގައި، މި އެކްސިޑެންޓް ހިނގާފައިވަނީ ހިޔާ ޓަވަރު-9 ކައިރީގަ އެވެ.

މި ހާދިސާގައި ދެބަފައިންނަށް ވެސް އެކިވަރުގެ އަނިޔާތައް ލިބިގެން ހޮސްޕިޓަލުގައި ފަރުވާ ދެމުންދާއިރު، ބައްޕަގެ ހާލު ސީރިއަސްވެ މިހާރު އޮތީ އައިސީޔޫގަ އެވެ. އަދި އޭނާގެ އުންމީދު ކަނޑާލާފައިވާ ކަމަށް ވެސް ޑޮކްޓަރުންނާ ހަވާލާދީ އޭނާ ވިދާޅުވި އެވެ.

މި ފަހުން ހުޅުމާލޭގައި ހިނގި ހިތާމަވެރި ހާދިސާތަކަށް އަލިއަޅުއްވާލައްވަމުން ޒަހިއްޔާ ވަނީ، ހުޅުމާލޭ ދެވަނަ ފިޔަވަހީގެ ޓްރެފިކް އެކަށީގެންވާ ގޮތެއްގައި ނުބެލެހެއްޓޭ ކަމުގެ ކަންބޮޑުވުން ހާމަކުރައްވާފަ އެވެ. ވަކިން ހާއްސަކޮށް، އެންމެ ބާރުބޮޑުވާ ވިނަރެސް ޓަވަރުތައް ކައިރީގައި ޓްރެފިކް ނުބެލެހެއްޓުމުގެ ސަބަބުން ނުރައްކާތެރި ހާދިސާތައް އިތުރުވަމުންދާކަން އޭނާ ފާހަގަކުރެއްވި އެވެ.