ދ. ކުޑަހުވަޑުއަށް ކުރި ވިއްސާރާގައި އެކިވަރުގެ ގެއްލުން ލިބި، ދެ ގެއެއް ބޭނުން ނުކުރެވޭ ވަރަށް ހަލާކުވެއްޖެ އެވެ.

އިއްޔެ ހަވީރުން ފެށިގެން ކުޑަހުވަދުއަށް ވާރޭވެހެމުންދާއިރު، މުޅި ރަށުގައި ފެންބޮޑުވެ ބައެއް ގޭގެއަށް ވަނީ ގެއްލުންވެފަ އެވެ.

އެމްއެންޑީއެފާއި ކުޑަހުވަދޫ ކައުންސިލާއި ގުޅިގެން މިހާރު ފެން ހިންދުމުގެ މަސައްކަތް ކުރަމުންދާ ކަމަށް ކުޑަހުވަޑު ކައުންސިލުން ބުންޏެވެ.

މޫސުމާބެހޭ ގައުމީ އިދާރާއިން ވަނީ ރާއްޖޭގެ ބައެއް ސަރަހައްދުތަކަށް މޫސުން ގޯސްވާނެކަމުގެ އިންޒާރުދީފަ އެވެ. މިގޮތުން މެދު ރާއްޖެތެރެއާއި އުރުތުގެ ހިސާބުތަކަށް ވައިގަދަވެ ބޯކޮށް ވާރޭވެހޭނެ ކަމަށް އިންޒާރު ދީފައިވެ އެވެ.

މެޓް އޮފީހުން ބުނެފައި ވަނީ މިދުވަސްކޮޅަކީ ރާއްޖޭގެ މޫސުން ގޯސް ދުވަސްވަރެއް ނަމަވެސް ރާއްޖޭގެ އުތުރުގެ ސަރަހައްދުތަކަށް ހާއްސަކޮށް ވިއްސާރަކުރާނެ ކަމަށެވެ.

މޫސުން ގޯސްވެ، ކަނޑު ގަދަވުމުގެ ސަބަބުން، ނ އަތޮޅުން ފެށިގެން މ އަތޮޅާއި ހަމައަށް މެޓް އޮފީހުން މިއަދު ހެނދުނު ވައިޓް އެލާޓް ނެރުނެވެ.