މެލޭޝިއާގައި މިއަދު ހިނގި ނުރައްކާތެރި ކާރު އެކްސިޑެންޓެއްގައި ދިވެހި އަންހެން ދަރިވަރަކު ނިޔާވެއްޖެ އެވެ.

މިއަދު ހަވީރު ދެ ކާރު ޖެހިގެން ހިނގި ނުރައްކާތެރި އެކްސިޑެންޓުގައި ނިޔާވެފައިވަނީ މެލޭޝިއާގެ "ޓެއިލާސް ޔުނިވަސިޓީ" ގައި ތައުލީމް ހާސިލް ކުރަމުން އަންނަ އަންހެން ދަރިވަރެކެވެ. އެއީ އައްޑޫ ސިޓީ ހިތަދޫއަށް އުފަން އުމުރުން 21 އަހަރުގެ އިމީލިއާ ނާޒިމެވެ.

މި އެކްސިޑެންޓް ހިނގީ ވިޔަފާރި ކުރުމަށް ފަހުގައި ރައްޓެއްސަކާއެކު ޕުޗޮންގް އަށް ދިޔަ މަގުމަތީގަ އެވެ. އެ އެކްސިޑެންޓަށް ފަހު އޭނާ ގެންގޮސްފައި ވަނީ ޕުޗޮންގުގެ ހޮސްޕިޓަލަކަށެވެ.

މި އަންހެން ދަރިވަރާއެކު، އިތުރު އެހެން ދަރިވަރަކު ވެސް އެ އެކްސިޑެންޓް ހިނގިއިރު އެ ކާރު ތެރޭގައި އިނެވެ. އެ ކުއްޖާގެ ހާލު ވެސް ސީރިއަސް ކަމަށް އެނގިފައިވެ އެވެ.