މަޝްހޫރު ލަވަކިޔުންތެރިޔާ ޒޭން މަލިކްއާއި އޭނާގެ ކުރީގެ ބައިވެރިޔާ މޮޑެލް ޖިޖީ ހަދީދްގެ ދަރިފުޅުގެ ކައިގެ ފުރިހަމަ ނަން ފުރަތަމަ ފަހަރަށް ހާމަކޮށްފި އެވެ.

ކައިގެ ފުރިހަމަ ނަން ހާމަކޮށްފައި ވަނީ އޭނާގެ ހަތަރުވަނަ އުފަން ދުވަހުގެ މުނާސަބަތުގައި ޖިޖީ އޭނާގެ ސޯޝަލް މީޑިއާގައި އާއްމުކުރި ޕޯސްޓެއްގަ އެވެ.

https://www.instagram.com/p/DAHmmb6OrtM/?igsh=dTcxZXhzam5ycW5r

އެ ޕޯސްޓުގައި ކައިގެ އުފަންދުވަހުގެ ފޮޓޯތައް ހިއްސާ ކޮށްފައިވާއިރު އެއިން އެއް ފޮޓޯގައި އޭނާގެ ފުރިހަމަ ނަން ކަމަށްވާ "ކައި މަލިކް" ޖަހާފައިވެ އެވެ.

ކައިގެ ފުރިހަމަ ނަމަކީ ޖިޖީ ވަރަށް ފޮރުވައިގެން އުޅުނު ކަމެކެވެ. ސަބަބަކަށް ވަނީ ކައި އުފަންވިތާ މާ ގިނަ ދުވަހެއް ނުވެ އޭނާއާއި ޒޭންގެ ގުޅުން ނިމުމަކަށް އައުމެވެ.

https://www.instagram.com/p/DAHqAznMm-Q/?igsh=MW5qd2xndDQ4MWR6dQ==

ކައިއަށް ހަތަރު އަހަރު ފުރުމުގެ މުނާސަބަތުގައި ޖިޖީގެ އިތުރުން ޒޭން ވެސް ވަނީ އޭނާގެ އިންސްޓަގްރާމްގައި ޕޯސްޓެއް ކޮށްފަ އެވެ. އެ ޕޯސްޓުގައި ކައިގެ ބައްޕައަށް ވީތީ ފަހުރުވެރިވާ ކަމަށާއި އޭނާ ދެކެ އިންތިހާއަށް ލޯބިވާ ކަމަށް ޒޭން ބުނެފައިވެ އެވެ.

ސެޕްޓެމްބަރު 20، 2020 ގައި އުފަންވި ކައިގެ އުފަން ދުވަސް ފާހަގަކުރުމަށް ޖިޖީ ބާއްވާފައި ވަނީ "ބޭބީ ޔޯޑާ" ތީމްގެ ޕާޓީއެކެވެ.