ރާއްޖޭގައި އަލަށް ހުޅުވި ބާސެލޯ ވޭލް ލެގޫން އަދި ޓްރާންސް މޯލްޑިވިއަން އެއާވޭސް ( ޓީއެމްއޭ ) ގުޅިގެން ހިންގާ ހާއްސަ ގިވްއަވޭއެއްގައި ބައިވެރިވުމުގެ ފުރުސަތު ހުޅުވާލައިފި އެވެ.

ޓީއެމްއޭ އިން ބުނިގޮތުގައި މި ގިވްއަވޭގެ ނަސީބުވެރި ފަރާތަށް ޓީއެމްއޭ ސީޕްލޭން ދެކޮޅު ޓްރާންސްފާއާއެކު ބާސެލޯ ވޭލް ލެގޫން މޯލްޑިވްސްގައި 3 ރޭ ހުރުމުގެ ފުރުސަތު ލިބޭނެ އެވެ.

މި ގިވްއަވޭގެ ނަސީބުވެރި ފަރާތަށް ހުރިހާ ކެއުމެއް ހިމެނޭހެން ރިސޯޓުގެ ސަން ރައިސް ބީޗް ވިލާގައި ހުރުމުގެ ފުރަސަތު ލިބޭނެ އެވެ.

މި ގިވްއަވޭގައި ބައިވެރިވާނީ ކިހިނެތް؟

ގިވް އަވޭގައި ބައިވެރިވާނީ ފުރަތަމަ ޖެހޭނީ ތިރީގައިވާ އިންސްޓަގްރާމް ދެ އެކައުންޓް ފޮލޯ ކުރާށެވެ.

@barcelowhalelagoonmaldives

@transmaldivian

އަދި އެއަށް ފަހު ގިވްއަވޭ ޕޯސްޓުގައި ލައިކް ކުރުމަށްފަހު އިތުރު މީހަކު ކޮމެންޓުގައި ޓެގް ކުރާށެވެ. (އިތުރުވާ ކޮންމެ ނަމަކީ އިތުރު އެންޓްރީއެއްގެ ގޮތުގައި ބެލެވޭނެ އެވެ). ބޯނަސް އެންޓްރީ އަކަށް ޕޯސްޓް ސްޓޯރީގައި ޝެއާކުރުމަށް ފަހު މަތީގައިވާ ދެ އެކައުންޓް ވެސް ޓެގް ކޮށްލާށެވެ.

ގިވްއަވޭ އޮތީ ކިހާ ދުވަހަކަށް؟

ގިވްއަވޭ އޮންނާނީ 11 ޑިސެމްބަރު 2024 ގެ ނިޔަލަށެވެ. އަދި ގިވްއަވޭގެ ނަސީބުވެރި ފަރާތް 15 ޑިސެމްބަރު 2024 ގައި އިއުލާން ކުރާނެ އެވެ.

ބާސެލޯ ވޭލް ލެގޫން މޯލްޑިވްސްއަކީ އދ. އަތޮޅުގެ ބޮޑުފިނޮޅުގައި އަލަށް ހެދި 5 ތަރީގެ ރިސޯޓެކެވެ. މި ރިސޯޓުގައި 100 ވިލާ, 3 ރެސްޓޯރަންޓް އަދި ދެ ބޮޑު އިންފިނިޓީ ޕޫލް ހުރެއެވެ. ބާސެލޯ ހޮޓެލް ގްރޫޕަކީ ސްޕެއިންގެ ދެވަނައަށް އެންމެ ބޮޑު ހޮޓެލް ޗެއިން އެވެ. 1931 ގައި އުފެއްދި މި ހޮޓެލް ޗެއިންގެ އެކި އެކި ޕްރޮޕަޓީތައް 25 ގައުމުގައި ހުރެ އެވެ.

ޓީއެމްއޭގައި ބޭނުންކުރާ ސީޕްލޭނެއް. އެ އެއާލައިންގައި 65 ސީޕްލޭން އޮވޭ

ޓީއެމްއޭއަކީ މުޅި ދުނިޔޭގެ އެންމެ ބޮޑު ސީޕްލޭން ފްލީޓް އޮޕަރޭޓްކުރާ ކުންފުންޏެކެވެ. މި ވަގުތު 65 ބޯޓު އޮންނަ ޓީއެމްއޭ އަކީ ރާއްޖޭގެ ޓޫރިޒަމްގެ އެއް ތަނބެކެވެ. ޓީއެމްއޭ އިން ރާއްޖޭގެ 80 ރިސޯޓަކަށް ދަތުރުކުރެ އެވެ.